Foto: RIA Novosti/Varvara Gerte
Ulttyq ekonomika vitse-ministri Azamat Ámrin Senatta ótken dóńgelek ústelde qymbat araq-sharaptyń aktsizin arttyrýdy usyndy, dep habarlaidy QazAqparat.
Vitse-ministrdiń aitýynsha, araq-sharap aktsiziniń quny Eýraziialyq ekonomikalyq odaq aiasynda rettelip otyr. Degenmen odaq aiasyndaǵy kelisimsharttar baǵasy asa qymbat ishimdiktiń aktsizderin durys rettemei otyrǵan kórinedi.
«Alkagol jáne temeki ónimderi boiynsha aitsaq, EAEO kelisimsharty aiasynda jyl saiyn salyq mólsherlemesi kóterilip keledi. Biraq «qymbat alkogol ónimderi» deitin bólek sanat bar. Iaǵni, bir bótelkesi 5-6 mln teńge turatyn liker-araq ónimderi týraly aityp otyrmyz. Al onyń salyq mólsherlemesi bar bolǵany 714 myń teńge ǵana. Iaǵni, osyndai sanatqa aktsizdi ónim qunynyń paiyzyna shaǵyp esepteý usynylyp otyr. Tabak aktsizi boiynsha da dál osyndai tásildi usynamyz. Bul usynystardyń bárin qazir talqylap jatyrmyz. Qurmetti depýtattar, sizderden de naqty usynystar bolsa, qarastyrýǵa ázirmiz», - dedi Ulttyq ekonomika vitse-ministri.
