QR qarjy vitse-ministri Rýslan Eńsebaev Úkimette ótken baspasóz konferentsiiasynda salyq tólengen kezinde belgili bir paiyzyn salyq tóleýshige qaitarýdy kózdeitin, tólem kartalaryn nemese fiskaldyq chekter alýmen qolma-qol aqshany paidalanýǵa yntalandyratyn mehanizm ázirlenip jatqandyǵy týraly aityp berdi, dep habarlaidy "Ult aqparat".
R. Eńsebaev salyqtyq bonýstar tóleýshilerge mindetti túrde chek alýǵa jaqsy motivatsiia bolatynyn atap ótti.
«0,5% – salyq bonýsy. Biz bul másele boiynsha áli jumys istep jatyrmyz. Álemdik tájiribe kórsetkendei, bul tiimdi mehanizm. Biz qazir josparlap otyrmyz, kelesi jyly biz ony pilottyq joba retinde oryndaimyz jáne múmkin bolsa 2021 jyldan bastap bul sheshimdi aýqymdy túrde qoldanamyz», — dedi vitse-ministr.
Onyń aitýynsha, salyqtyq bonýs halyqty tólem kartalary arqyly nemese fiskaldy sekter alýmen qolma-qol aqshamen tóleýge yntalandyrýǵa jol ashady, osylaisha, salyq organdary kásipkerler men kompaniialardyń barlyq ainalymyn kóre alatyn bolady.
«Bul ekojúieniń ekijaqty bolýynyń mańyzy óte zor, turǵyndardy yntalandyrý úshin chekterdi berýdi talap etýmen shektelmeýi tiis. Óitkeni salyq inspektorlarynyń ózderi osy aýqymdy salyq protsesin ákimshilendire almaidy, sondyqtan adamdar satýshylardan chekterdi talap etýge múddeli bolady. Chekte satyp alý baǵasy týraly barlyq aqparat qamtylady. Biz qazir bul qunnyń qansha bóligi jeke kabinetke, salyq ámiianyna túsetinin pysyqtap jatyrmyz, biz muny ázirleýdemiz, sizder satyp alýshy retinde de, azamattar retinde de salyqty nemese basqa da tólemder men aiyppuldardy tóleý esebine paidalanýǵa bolatyn ózińizge belgili bir somanyń qalai túsip jatqanyn kóretin bolasyzdar», — dep túsindirdi ol.
R. Eńsebaev atap ótkendei, bul protsess avtomatty túrde jolǵa qoiylatyn bolady.
«Biz únemi adam óziniń salyq nemese aiyppul qaryzy bar ekenin bilmei qaldy, sondyqtan barmady, al onyń esepshoty buǵattaldy dep aitamyz. Biz osyndai aqparatty jinaqtaityn intellektýaldy júieni jasap jatyrmyz, iaǵni baǵasy satyp alýlarǵa bailanysty jáne aiyppul paida bolsa, ol avtomatty túrde tólenetin bolady», — dedi vitse-ministr.
Sonymen qatar, qarjy vitse-ministri 0,5% degen mólsherdiń aldyn ala esepteýler boiynsha ǵana ekenin aitty. Bul tetikke ózgerister men tolyqtyrýlar engiziledi dep kútilýde.
«Biz taǵy da túrli tolyqtyrýlar engizýdi kózdep otyrmyz. Otandyq óndirýshiler de osy júiege qosylýǵa túrli qyzyǵýshylyqtar tanytyp otyr. Olar múmkin, qosymsha bonýstar beretin bolady», — dep qosty R. Eńsebaev.
