قر قارجى ۆيتسە-مينيسترٸ رۋسلان ەڭسەباەۆ ٷكٸمەتتە ٶتكەن باسپاسٶز كونفەرەنتسيياسىندا سالىق تٶلەنگەن كەزٸندە بەلگٸلٸ بٸر پايىزىن سالىق تٶلەۋشٸگە قايتارۋدى كٶزدەيتٸن, تٶلەم كارتالارىن نەمەسە فيسكالدىق چەكتەر الۋمەن قولما-قول اقشانى پايدالانۋعا ىنتالاندىراتىن مەحانيزم ەزٸرلەنٸپ جاتقاندىعى تۋرالى ايتىپ بەردٸ, دەپ حابارلايدى "ۇلت اقپارات".
ر. ەڭسەباەۆ سالىقتىق بونۋستار تٶلەۋشٸلەرگە مٸندەتتٸ تٷردە چەك الۋعا جاقسى موتيۆاتسييا بولاتىنىن اتاپ ٶتتٸ.
«0,5% – سالىق بونۋسى. بٸز بۇل مەسەلە بويىنشا ەلٸ جۇمىس ٸستەپ جاتىرمىز. ەلەمدٸك تەجٸريبە كٶرسەتكەندەي, بۇل تيٸمدٸ مەحانيزم. بٸز قازٸر جوسپارلاپ وتىرمىز, كەلەسٸ جىلى بٸز ونى پيلوتتىق جوبا رەتٸندە ورىندايمىز جەنە مٷمكٸن بولسا 2021 جىلدان باستاپ بۇل شەشٸمدٸ اۋقىمدى تٷردە قولدانامىز», — دەدٸ ۆيتسە-مينيستر.
ونىڭ ايتۋىنشا, سالىقتىق بونۋس حالىقتى تٶلەم كارتالارى ارقىلى نەمەسە فيسكالدى سەكتەر الۋمەن قولما-قول اقشامەن تٶلەۋگە ىنتالاندىرۋعا جول اشادى, وسىلايشا, سالىق ورگاندارى كەسٸپكەرلەر مەن كومپانييالاردىڭ بارلىق اينالىمىن كٶرە الاتىن بولادى.
«بۇل ەكوجٷيەنٸڭ ەكٸجاقتى بولۋىنىڭ ماڭىزى ٶتە زور, تۇرعىنداردى ىنتالاندىرۋ ٷشٸن چەكتەردٸ بەرۋدٸ تالاپ ەتۋمەن شەكتەلمەۋٸ تيٸس. ٶيتكەنٸ سالىق ينسپەكتورلارىنىڭ ٶزدەرٸ وسى اۋقىمدى سالىق پروتسەسٸن ەكٸمشٸلەندٸرە المايدى, سوندىقتان ادامدار ساتۋشىلاردان چەكتەردٸ تالاپ ەتۋگە مٷددەلٸ بولادى. چەكتە ساتىپ الۋ باعاسى تۋرالى بارلىق اقپارات قامتىلادى. بٸز قازٸر بۇل قۇننىڭ قانشا بٶلٸگٸ جەكە كابينەتكە, سالىق ەمييانىنا تٷسەتٸنٸن پىسىقتاپ جاتىرمىز, بٸز مۇنى ەزٸرلەۋدەمٸز, سٸزدەر ساتىپ الۋشى رەتٸندە دە, ازاماتتار رەتٸندە دە سالىقتى نەمەسە باسقا دا تٶلەمدەر مەن ايىپپۇلداردى تٶلەۋ ەسەبٸنە پايدالانۋعا بولاتىن ٶزٸڭٸزگە بەلگٸلٸ بٸر سومانىڭ قالاي تٷسٸپ جاتقانىن كٶرەتٸن بولاسىزدار», — دەپ تٷسٸندٸردٸ ول.
ر. ەڭسەباەۆ اتاپ ٶتكەندەي, بۇل پروتسەسس اۆتوماتتى تٷردە جولعا قويىلاتىن بولادى.
«بٸز ٷنەمٸ ادام ٶزٸنٸڭ سالىق نەمەسە ايىپپۇل قارىزى بار ەكەنٸن بٸلمەي قالدى, سوندىقتان بارمادى, ال ونىڭ ەسەپشوتى بۇعاتتالدى دەپ ايتامىز. بٸز وسىنداي اقپاراتتى جيناقتايتىن ينتەللەكتۋالدى جٷيەنٸ جاساپ جاتىرمىز, ياعني باعاسى ساتىپ الۋلارعا بايلانىستى جەنە ايىپپۇل پايدا بولسا, ول اۆتوماتتى تٷردە تٶلەنەتٸن بولادى», — دەدٸ ۆيتسە-مينيستر.
سونىمەن قاتار, قارجى ۆيتسە-مينيسترٸ 0,5% دەگەن مٶلشەردٸڭ الدىن الا ەسەپتەۋلەر بويىنشا عانا ەكەنٸن ايتتى. بۇل تەتٸككە ٶزگەرٸستەر مەن تولىقتىرۋلار ەنگٸزٸلەدٸ دەپ كٷتٸلۋدە.
«بٸز تاعى دا تٷرلٸ تولىقتىرۋلار ەنگٸزۋدٸ كٶزدەپ وتىرمىز. وتاندىق ٶندٸرۋشٸلەر دە وسى جٷيەگە قوسىلۋعا تٷرلٸ قىزىعۋشىلىقتار تانىتىپ وتىر. ولار مٷمكٸن, قوسىمشا بونۋستار بەرەتٸن بولادى», — دەپ قوستى ر. ەڭسەباەۆ.
