QR Densaýlyq saqtaý vitse-ministri Ajar Ǵiniiat qazaqstandyqtarǵa koronavirýs infektsiiasynyń aldyn alýǵa qatysty usynys berdi, dep habarlaidy "Ult aqparat".
«Koronavirýs infektsiiasynyń aldyn alý jáne emdeý boiynsha praktikalyq usynystar bergim keledi. Birinshiden, bul - koronavirýs infektsiiasynyń aldyn alýdyń sanitariialyq-epidemiiaǵa qarsy sharalaryn saqtaý. Salamatty ómir saltyn ustaný, kóbinese taza aýada bolý, kúndelikti, sonyń ishinde tynys alý jattyǵýlaryn jasaý óte mańyzdy», - dedi vitse-ministr Ortalyq kommýnikatsiialar qyzmetindegi baspasóz máslihaty barysynda.
Onyń aitýynsha, ekinshiden, joǵarǵy tynys alý joldarynyń jiti respiratorlyq infektsiia simptomdary baiqalǵan kezde óz betimen emdelýmen ainalysýǵa bolmaidy. Beine nemese aýdiodybys boiynsha konsýltatsiia bere alatyn jáne koronavirýs infektsiiasyna kúdik bolǵan kezde emhanadan mobildik brigadany jibere alatyn ýchaskelik dárigerge júginý kerek.
«Úshinshiden, eger naýqasta joǵary temperatýra, aiqyn álsizdik, entigý paida bolsa, qurǵaq jótel bolsa, ol nemese onyń týystary jedel járdemge – «103» nómirine qońyraý shalýy kerek. Statsionarlyq emdeýge kórsetilimder bolǵan kezde infektsiialyq statsionarǵa emdeýge jatqyzýdan bas tartpańyz. Qorytyndylai kele, koronavirýsty jeńý úshin, ózimizdiń densaýlyǵymyz úshin durys tańdaý jasaýǵa nazaryńyzdy aýdarǵym keledi», - dedi Ajar Ǵiniiat.
