قر دەنساۋلىق ساقتاۋ ۆيتسە-مينيسترٸ اجار عينييات قازاقستاندىقتارعا كوروناۆيرۋس ينفەكتسيياسىنىڭ الدىن الۋعا قاتىستى ۇسىنىس بەردٸ, دەپ حابارلايدى "ۇلت اقپارات".
«كوروناۆيرۋس ينفەكتسيياسىنىڭ الدىن الۋ جەنە ەمدەۋ بويىنشا پراكتيكالىق ۇسىنىستار بەرگٸم كەلەدٸ. بٸرٸنشٸدەن, بۇل - كوروناۆيرۋس ينفەكتسيياسىنىڭ الدىن الۋدىڭ سانيتارييالىق-ەپيدەميياعا قارسى شارالارىن ساقتاۋ. سالاماتتى ٶمٸر سالتىن ۇستانۋ, كٶبٸنەسە تازا اۋادا بولۋ, كٷندەلٸكتٸ, سونىڭ ٸشٸندە تىنىس الۋ جاتتىعۋلارىن جاساۋ ٶتە ماڭىزدى», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ ايتۋىنشا, ەكٸنشٸدەن, جوعارعى تىنىس الۋ جولدارىنىڭ جٸتٸ رەسپيراتورلىق ينفەكتسييا سيمپتومدارى بايقالعان كەزدە ٶز بەتٸمەن ەمدەلۋمەن اينالىسۋعا بولمايدى. بەينە نەمەسە اۋديودىبىس بويىنشا كونسۋلتاتسييا بەرە الاتىن جەنە كوروناۆيرۋس ينفەكتسيياسىنا كٷدٸك بولعان كەزدە ەمحانادان موبيلدٸك بريگادانى جٸبەرە الاتىن ۋچاسكەلٸك دەرٸگەرگە جٷگٸنۋ كەرەك.
«ٷشٸنشٸدەن, ەگەر ناۋقاستا جوعارى تەمپەراتۋرا, ايقىن ەلسٸزدٸك, ەنتٸگۋ پايدا بولسا, قۇرعاق جٶتەل بولسا, ول نەمەسە ونىڭ تۋىستارى جەدەل جەردەمگە – «103» نٶمٸرٸنە قوڭىراۋ شالۋى كەرەك. ستاتسيونارلىق ەمدەۋگە كٶرسەتٸلٸمدەر بولعان كەزدە ينفەكتسييالىق ستاتسيونارعا ەمدەۋگە جاتقىزۋدان باس تارتپاڭىز. قورىتىندىلاي كەلە, كوروناۆيرۋستى جەڭۋ ٷشٸن, ٶزٸمٸزدٸڭ دەنساۋلىعىمىز ٷشٸن دۇرىس تاڭداۋ جاساۋعا نازارىڭىزدى اۋدارعىم كەلەدٸ», - دەدٸ اجار عينييات.
