Almatydaǵy qylmys deńgeiin tómendetý úshin barlyq qajetti sharalardy qabyldaimyz. Bul týraly Astanada ótken baspasóz máslihatynda QR Ishki ister ministriniń orynbasary Rashid Jaqypov málim etti, dep habarlaidy QazAqparat.
«Almatydaǵy jaǵdaiǵa toqtalsaq, Ishki ister ministrligi qylmystardyń ashylýy boiynsha jumystardyń keibir kórsetkishterine alańdaýly, onyń ishinde Almatydaǵy urlyq sekildi qylmystar da bar. Sondyqtan Ishki ister departamenti tarapynan da turaqty negizde tiisti sharalar qabyldanyp jatyr. Osy oraida Almaty garnizonyna qandai kómek kórsetý kerektigin qosymsha zertteimiz», - dep toqtaldy R. Jaqypov.
Bul rette ol aldaǵy ýaqytta iske asyrylatyn sharalar tiisti jumystardy kúsheitýge múmkindik beretinin atap ótti.
«Ózderińiz bilesizder, Almaty - elimizdegi eń iri shahardyń biri. Onda turaqty turyp jatqan turǵyndardan bólek, elimizdiń basqa óńirlerinen baratyn adamdardyń da qarasy qalyń. Bul jaǵdailar da qylmystylyq ahýalǵa áser etedi. Almaty Ishki ister departamenti tarapynan qabyldanyp jatqan sharalar búginde jetkiliksiz shyǵar, alaida Almaty politsiiasy men IIM qylmystylyq deńgeiin tómendetý úshin baryn salatyn bolady», - dep túidi sózin ministrdiń orynbasary.
Eske sala keteiik, Astanada QR Ishki ister ministriniń orynbasary Rashid Jaqypov Denis Tenniń ólimine qatysty tergeý boiynsha brifing ótkizdi.
