AQSh-tyń Virdjiniia-Bich qalasynda juma, 31 mamyrda keshke qarai qalalyq mýnitsipaldy basqarma ǵimaratynda jergilikti qyzmetkerlerdiń biri adamdarǵa oq atyp, keminde 11 azamat qaza tapty.
Politsiia dereginshe, er adam ǵimarattyń bir qabatynan kelesi qabatyna kóterile júrip, oq atqan. Ony oqiǵa ornyna jetken politsiia qyzmetkerleri atyp óltirgen.
Qylmyskerdiń esimi ázirge aitylmaidy. Jergilikti sheneýnikterge silteme jasaǵan The Wall Street Journal basylymy qyzmetkerdiń qalalyq kommýnaldy qyzmet kórsetý salasynda jumys istegenin aitqan. Qalalyq politsiia sherifi Djim Server de bul aqparatty rastaǵan. Politsiianyń aitýynsha, ol jalǵyz áreket etken. Atystyń sebepteri anyqtalyp jatyr.
