Qazaqstan Respýblikasynyń Syrtqy ister ministrligi Vetnam Sotsialistik Respýblikasy shetel azamattarynyń elge kirý rásimderin jeńildetý maqsatynda «Aldyn ala aqparat usyný júiesin» (Pre-arrival Information – PAI) pilottyq rejimde iske qosqanyn habarlaidy, dep jazady ult.kz.
Vetnam tarapynyń málimetinshe, atalǵan júie shetel azamattaryna Vetnamǵa sapar aldynda qajetti aqparatty onlain rejimde aldyn ala usynýǵa múmkindik beredi. Bul óz kezeginde shekaralyq baqylaýdan ótý ýaqytyn qysqartýǵa jáne áýejailardaǵy jolaýshylar aǵynyn ońtailandyrýǵa baǵyttalǵan.
PAI júiesi qazirgi ýaqytta Tanshonniat halyqaralyq áýejaiynda pilottyq rejimde jumys isteidi jáne aldaǵy ýaqytta Vetnamnyń Noibai, Danang, Kamran jáne Fýkýok halyqaralyq áýejailarynda, sondai-aq memlekettik shekaradaǵy basqa da ótkizý pýnktterinde kezeń-kezeńimen engizý josparlanýda.
Bul rette, PAI júiesi Vetnamǵa kirý úshin mindetti talap bolyp tabylmaitynyn jáne viza rásimdeý fýnktsiiasyn atqarmaitynyn atap ótken jón. Júie tek sapar týraly aqparatty aldyn ala usynýǵa arnalǵan.
Vetnam biligi shetel azamattaryna tirkelýdi tek resmi portal – prearrival.immigration.gov.vn arqyly júzege asyrýdy jáne jalǵan internet-resýrstardan saq bolýdy usynady.
