قازاقستان رەسپۋبليكاسىنىڭ سىرتقى ٸستەر مينيسترلٸگٸ ۆەتنام سوتسياليستٸك رەسپۋبليكاسى شەتەل ازاماتتارىنىڭ ەلگە كٸرۋ رەسٸمدەرٸن جەڭٸلدەتۋ ماقساتىندا «الدىن الا اقپارات ۇسىنۋ جٷيەسٸن» (Pre-arrival Information – PAI) پيلوتتىق رەجيمدە ٸسكە قوسقانىن حابارلايدى, دەپ جازادى ult.kz.
ۆەتنام تاراپىنىڭ مەلٸمەتٸنشە, اتالعان جٷيە شەتەل ازاماتتارىنا ۆەتنامعا ساپار الدىندا قاجەتتٸ اقپاراتتى ونلاين رەجيمدە الدىن الا ۇسىنۋعا مٷمكٸندٸك بەرەدٸ. بۇل ٶز كەزەگٸندە شەكارالىق باقىلاۋدان ٶتۋ ۋاقىتىن قىسقارتۋعا جەنە ەۋەجايلارداعى جولاۋشىلار اعىنىن وڭتايلاندىرۋعا باعىتتالعان.
PAI جٷيەسٸ قازٸرگٸ ۋاقىتتا تانشوننيات حالىقارالىق ەۋەجايىندا پيلوتتىق رەجيمدە جۇمىس ٸستەيدٸ جەنە الداعى ۋاقىتتا ۆەتنامنىڭ نويباي, دانانگ, كامران جەنە فۋكۋوك حالىقارالىق ەۋەجايلارىندا, سونداي-اق مەملەكەتتٸك شەكاراداعى باسقا دا ٶتكٸزۋ پۋنكتتەرٸندە كەزەڭ-كەزەڭٸمەن ەنگٸزۋ جوسپارلانۋدا.
بۇل رەتتە, PAI جٷيەسٸ ۆەتنامعا كٸرۋ ٷشٸن مٸندەتتٸ تالاپ بولىپ تابىلمايتىنىن جەنە ۆيزا رەسٸمدەۋ فۋنكتسيياسىن اتقارمايتىنىن اتاپ ٶتكەن جٶن. جٷيە تەك ساپار تۋرالى اقپاراتتى الدىن الا ۇسىنۋعا ارنالعان.
ۆەتنام بيلٸگٸ شەتەل ازاماتتارىنا تٸركەلۋدٸ تەك رەسمي پورتال – prearrival.immigration.gov.vn ارقىلى جٷزەگە اسىرۋدى جەنە جالعان ينتەرنەت-رەسۋرستاردان ساق بولۋدى ۇسىنادى.
