Memleket basshysy Aziiadaǵy ózara is-qimyl jáne senim sharalary jónindegi keńestiń VI sammitine qatysýǵa kelgen Vetnamnyń vitse-prezidenti Vo Thi An Sýanmen kezdesý ótkizdi, dep habarlaidy "Ult aqparat" Aqordaǵa silteme jasap.
Áńgimelesý barysynda Qazaqstan Prezidenti AÓSShK jumysyna belsendi qatysqany úshin Vetnam tarapyna alǵys aityp, eki el arasyndaǵy tabysty yntymaqtastyqtyń deńgeii joǵary ekenin atap ótti.
.Qasym-Jomart Toqaev pen Vo Thi An Sýan ózara saýda-ekonomikalyq is-árekettiń tabysty damyp kele jatqanyn atap ótip, Qazaqstan men Vetnam halyqtary arasyndaǵy mádeni-gýmanitarlyq bailanystardyń nyǵaia túskenin, eki el arasyndaǵy áýe qatynasynyń ashylǵanyn aitty. Sondai-aq saýda, týrizm, agrarlyq, kólik-logistikalyq jáne qarjy salalaryndaǵy bailanystardy kúsheitý úshin mol áleýet bar ekenine nazar aýdaryldy.
Kezdesý sońynda Memleket basshysy Vetnam prezidenti Ngýen Sýan Fýkke sálem joldady.
Óz kezeginde, Vo Thi An Sýan óz memleketiniń basshylyǵy atynan Qazaqstan Prezidentine Vetnamǵa saparmen kelýge shaqyrýyn tapsyrdy.
