Qazaqstannyń Bas prokýratýrasy Vetnamda júrgen bloger Qaisar Qamzaǵa qatysty jaǵdaiǵa túsinikteme berdi, dep habarlaidy ult.kz.
Vedomstvonyń málimetinshe, Qazaqstan tarapy Qaisar Qamzany elge ekstraditsiialaý týraly Vetnam biligine resmi suraý joldaǵan. Bloger zańsyz oiyn biznesin uiymdastyrdy degen kúdikke ilingen.
Alaida ázirge Vetnam tarapy atalǵan ótinish boiynsha túpkilikti sheshim qabyldamaǵan. Sonymen qatar Qaisar Qamzaǵa jariialanǵan halyqaralyq izdeý kúshinde qalyp otyr.
Bas prokýratýra ókilderiniń aitýynsha, Qazaqstan men Vetnam arasynda 2017 jyly jasalǵan ekstraditsiia týraly kelisimde mundai ótinishterdi qaraýdyń naqty merzimi kórsetilmegen. Sondyqtan másele Vetnamnyń ulttyq zańnamasyna sáikes qaralady.
Eske salaiyq, buǵan deiin Qaisar Qamza áleýmettik jelide videoúndeý jariialap, óziniń qazirgi jaǵdaiy týraly málimdegen bolatyn.
