Foto:megacenter
Sony Pictures kompaniiasynyń «Venom. Sońǵy bi» filmi qazaq tilinde kórsetiledi, dep habarlaidy ult.kz
Tanymal týyndylardy qazaqsha sóiletken álemdik stýdiialar qatary tolyqty. Disney men Pixar stýdiialarynyń qazaq tilin qoldaý bastamasyn Sony Pictures kompaniiasy jalǵastyrdy.
24 qazannan bastap «Venom. Sońǵy bi» (Venom: The Last Dance) fantastikalyq ekshn týyndysy kinoteatrlarda qazaq tilinde kórsetile bastaidy. Álemdik úzdik filmdi «Qazaq tili» qoǵamynyń usynysymen Sony Pictures óz qarajatyna aýdaryp, dýbliajdady.
«Sony Pictures kompaniiasynda dýbliaj ben lokalizatsiia árdaiym halyqaralyq marketing strategiiasynyń ajyramas bóligi bolatyn. Burynnan kele jatqan seriktesimiz, «Meloman» kompaniiasymen birlesken jumysymyzdyń arqasynda, franshizanyń jańa bólimi «Venom: Sońǵy bi» týyndysynda Venom qazaq tilinde sóileitinine qýanyshtymyz», – deidi Sony Pictures kompaniiasynyń halyqaralyq marketing jónindegi vitse-prezidenti Nataliia Grymova.
Bul – «Venom» trilogiiasynyń qorytyndy bólimi. Marvel komiksterine negizdelgen. Alǵashqy eki bólimi úlken qyzyǵýshylyq týdyrdy. Basty róldi teńdessiz Tom Hardi somdaidy. Bul joly Eddi men Venom dostasyp, zulymdarmen birge kúresedi.
«Gollivýd stýdiialary qazaq tiliniń damytýǵa belsendi úles qosyp jatqany biz úshin óte mańyzdy! Biyl Qazaqstannyń úlken ekrandaryna jańa «Venom: Sońǵy bi» blokbasterin shyǵaramyz. Dybystalǵan filmder tek kóńil kótermeidi, sondai-aq olardyń orasan zor tanymdyq áleýeti bar! Elestetip kórińizshi: súiikti sýperqaharmandar sizge jaqyndai túsedi! Venomnyń ózi ana tilińizde sóileidi. Bul ǵajap qoi! Al stýdiialarǵa kórermenderdiń qazaq dýbliajyna degen súiispenshiligin kórsetip, kelesi jyly qazaq tilinde shyǵatyn dýbliajdar men ǵajaiyp shytyrman týyndylardy kútemiz», – dep pikir bildirdi MARWIN/Meloman bas direktory Vadim Golenko.
Qazaq tilindegi dýbliajdy qazaqstandyq Movie Dalen dýbliaj stýdiiasy jasady.«Venom: Sońǵy bi» filminde Tom Hardi Venom rólinde oralady. Trilogiianyń sońǵy bóliminde Eddi men Venom qashýǵa májbúr bolady. Dushpandary Jerde de, basqa álemderde de qyr-sońdarynan qalar emes. Jaýlar sheńberi tarylǵandyqtan, olar taǵdyr ózgertetin sheshim qabyldaýy kerek. Bul olardyń sońǵy bii bolýy múmkin…
Rejissior: Kelli Marsel. Basty rólderde: Tom Hardi, Chivetel Edjiofor, Djýno Templ, Ris Ivans, Peggi Lý, Alanna Iýbak, Stiven Grem.
«Qazaq tiline aýdarylyp jatqan filmderdi keńinen nasihattap, kinoteatrlarǵa baryp, qazaq dýbliajyn qoldaýǵa shaqyramyz. Álemdik stýdiialardyń qazaqtildi ortanyń qyzyǵýshylyǵyn eskerip, týyndylaryn óz esebinen aýdaryp, usynýy – biz úshin óte jaqsy jańalyq. Biylǵy álemdik premeralardyń qazaq tilindegi aýdarmasy buryn sońdy bolmaǵan rekordtyq kórsetkishterge jetti. Qazaqsha kino qaraýǵa yqylasty qaýymnyń kóbeigeni anyq baiqaldy. Aldaǵy ýaqytta tanymal týyndylardy qazaq tiline aýdarý dástúri jalǵasa beredi. Bul tilimizdiń, ásirese, balalar men jastar úshin tartymdylyǵyn arttyrýǵa jáne keńinen taratýǵa baǵyttalǵan tiimdi tásil dep sanaimyn», - deidi Halyqaralyq «Qazaq tili» qoǵamynyń prezidenti Raýan Kenjehanuly.
Buǵan deiin Disney, Pixar syndy halyqaralyq stýdiialar álemdik tanymal týyndylaryn óz esebinen qazaq tiline aýdaryp, kásibi dýbliaj jasady. «Oijumbaq 2» filmi alǵashqy 4 kúnde 40 000 000 teńgeden astam qarajat jinap, buǵan deiin kórsetilgen týyndylar arasynda rekord ornatty. Qyrǵyzstan, Armeniia, Grýziia, Ázerbaijan, Ózbekstan, Tájikstan elderi arasynda Qazaqstan jinalǵan soma boiynsha birinshi orynda turdy.
