فوتو:megacenter
Sony Pictures كومپانيياسىنىڭ «ۆەنوم. سوڭعى بي» فيلمٸ قازاق تٸلٸندە كٶرسەتٸلەدٸ, دەپ حابارلايدى ult.kz
تانىمال تۋىندىلاردى قازاقشا سٶيلەتكەن ەلەمدٸك ستۋدييالار قاتارى تولىقتى. Disney مەن Pixar ستۋدييالارىنىڭ قازاق تٸلٸن قولداۋ باستاماسىن Sony Pictures كومپانيياسى جالعاستىردى.
24 قازاننان باستاپ «ۆەنوم. سوڭعى بي» (Venom: The Last Dance) فانتاستيكالىق ەكشن تۋىندىسى كينوتەاترلاردا قازاق تٸلٸندە كٶرسەتٸلە باستايدى. ەلەمدٸك ٷزدٸك فيلمدٸ «قازاق تٸلٸ» قوعامىنىڭ ۇسىنىسىمەن Sony Pictures ٶز قاراجاتىنا اۋدارىپ, دۋبلياجدادى.
«Sony Pictures كومپانيياسىندا دۋبلياج بەن لوكاليزاتسييا ەردايىم حالىقارالىق ماركەتينگ ستراتەگيياسىنىڭ اجىراماس بٶلٸگٸ بولاتىن. بۇرىننان كەلە جاتقان سەرٸكتەسٸمٸز, «مەلومان» كومپانيياسىمەن بٸرلەسكەن جۇمىسىمىزدىڭ ارقاسىندا, فرانشيزانىڭ جاڭا بٶلٸمٸ «ۆەنوم: سوڭعى بي» تۋىندىسىندا ۆەنوم قازاق تٸلٸندە سٶيلەيتٸنٸنە قۋانىشتىمىز», – دەيدٸ Sony Pictures كومپانيياسىنىڭ حالىقارالىق ماركەتينگ جٶنٸندەگٸ ۆيتسە-پرەزيدەنتٸ ناتالييا گرىموۆا.
بۇل – «ۆەنوم» تريلوگيياسىنىڭ قورىتىندى بٶلٸمٸ. Marvel كوميكستەرٸنە نەگٸزدەلگەن. العاشقى ەكٸ بٶلٸمٸ ٷلكەن قىزىعۋشىلىق تۋدىردى. باستى رٶلدٸ تەڭدەسسٸز توم حاردي سومدايدى. بۇل جولى ەددي مەن ۆەنوم دوستاسىپ, زۇلىمدارمەن بٸرگە كٷرەسەدٸ.
«گولليۆۋد ستۋدييالارى قازاق تٸلٸنٸڭ دامىتۋعا بەلسەندٸ ٷلەس قوسىپ جاتقانى بٸز ٷشٸن ٶتە ماڭىزدى! بيىل قازاقستاننىڭ ٷلكەن ەكراندارىنا جاڭا «ۆەنوم: سوڭعى بي» بلوكباستەرٸن شىعارامىز. دىبىستالعان فيلمدەر تەك كٶڭٸل كٶتەرمەيدٸ, سونداي-اق ولاردىڭ وراسان زور تانىمدىق ەلەۋەتٸ بار! ەلەستەتٸپ كٶرٸڭٸزشٸ: سٷيٸكتٸ سۋپەرقاھارماندار سٸزگە جاقىنداي تٷسەدٸ! ۆەنومنىڭ ٶزٸ انا تٸلٸڭٸزدە سٶيلەيدٸ. بۇل عاجاپ قوي! ال ستۋدييالارعا كٶرەرمەندەردٸڭ قازاق دۋبلياجىنا دەگەن سٷيٸسپەنشٸلٸگٸن كٶرسەتٸپ, كەلەسٸ جىلى قازاق تٸلٸندە شىعاتىن دۋبلياجدار مەن عاجايىپ شىتىرمان تۋىندىلاردى كٷتەمٸز», – دەپ پٸكٸر بٸلدٸردٸ MARWIN/مەلومان باس ديرەكتورى ۆاديم گولەنكو.
قازاق تٸلٸندەگٸ دۋبلياجدى قازاقستاندىق Movie Dalen دۋبلياج ستۋديياسى جاسادى.«ۆەنوم: سوڭعى بي» فيلمٸندە توم حاردي ۆەنوم رٶلٸندە ورالادى. تريلوگييانىڭ سوڭعى بٶلٸمٸندە ەددي مەن ۆەنوم قاشۋعا مەجبٷر بولادى. دۇشپاندارى جەردە دە, باسقا ەلەمدەردە دە قىر-سوڭدارىنان قالار ەمەس. جاۋلار شەڭبەرٸ تارىلعاندىقتان, ولار تاعدىر ٶزگەرتەتٸن شەشٸم قابىلداۋى كەرەك. بۇل ولاردىڭ سوڭعى بيٸ بولۋى مٷمكٸن…
رەجيسسيور: كەللي مارسەل. باستى رٶلدەردە: توم حاردي, چيۆەتەل ەدجيوفور, دجۋنو تەمپل, ريس يۆانس, پەگگي لۋ, الاننا يۋباك, ستيۆەن گرەم.
«قازاق تٸلٸنە اۋدارىلىپ جاتقان فيلمدەردٸ كەڭٸنەن ناسيحاتتاپ, كينوتەاترلارعا بارىپ, قازاق دۋبلياجىن قولداۋعا شاقىرامىز. ەلەمدٸك ستۋدييالاردىڭ قازاقتٸلدٸ ورتانىڭ قىزىعۋشىلىعىن ەسكەرٸپ, تۋىندىلارىن ٶز ەسەبٸنەن اۋدارىپ, ۇسىنۋى – بٸز ٷشٸن ٶتە جاقسى جاڭالىق. بيىلعى ەلەمدٸك پرەمەرالاردىڭ قازاق تٸلٸندەگٸ اۋدارماسى بۇرىن سوڭدى بولماعان رەكوردتىق كٶرسەتكٸشتەرگە جەتتٸ. قازاقشا كينو قاراۋعا ىقىلاستى قاۋىمنىڭ كٶبەيگەنٸ انىق بايقالدى. الداعى ۋاقىتتا تانىمال تۋىندىلاردى قازاق تٸلٸنە اۋدارۋ دەستٷرٸ جالعاسا بەرەدٸ. بۇل تٸلٸمٸزدٸڭ, ەسٸرەسە, بالالار مەن جاستار ٷشٸن تارتىمدىلىعىن ارتتىرۋعا جەنە كەڭٸنەن تاراتۋعا باعىتتالعان تيٸمدٸ تەسٸل دەپ سانايمىن», - دەيدٸ حالىقارالىق «قازاق تٸلٸ» قوعامىنىڭ پرەزيدەنتٸ راۋان كەنجەحانۇلى.
بۇعان دەيٸن Disney, Pixar سىندى حالىقارالىق ستۋدييالار ەلەمدٸك تانىمال تۋىندىلارىن ٶز ەسەبٸنەن قازاق تٸلٸنە اۋدارىپ, كەسٸبي دۋبلياج جاسادى. «ويجۇمباق 2» فيلمٸ العاشقى 4 كٷندە 40 000 000 تەڭگەدەن استام قاراجات جيناپ, بۇعان دەيٸن كٶرسەتٸلگەن تۋىندىلار اراسىندا رەكورد ورناتتى. قىرعىزستان, ارمەنييا, گرۋزييا, ەزەربايجان, ٶزبەكستان, تەجٸكستان ەلدەرٸ اراسىندا قازاقستان جينالعان سوما بويىنشا بٸرٸنشٸ ورىندا تۇردى.
