Belgili antropolog Andrash Jolt Biro aty ańyzǵa ainalǵan Keiki batyrdyń bassúiegin qalpyna keltirý jumystaryn aiaqtady, - dep habarlaidy Kazmuseum.kz tilshisi Qazaqstan mýzeileriniń aqparattyq-ádistemelik ortalyǵyna silteme jasap.
Búgin belgili tarihshy Berik Ábdiǵaliuly Facebook áleýmettik jelisindegi paraqshasynda Keiki batyrdyń bassúieginiń qalypqa keltirilgen eskizin jariialady.
Osyǵan deiin habarlanǵandai, Keiki batyrdyń bassúiegin qalpyna keltirý jumystaryn aiaqtaý jeltoqsan aiyna belgilengen bolatyn.
Eske salaiyq, biyl 12 tamyzda Qazaqstannyń burynǵy premer-ministri Kárim Másimov RF Úkimet tóraǵasy Dmitrii Medvedevpen kezdesýi barysynda ótken júz jyldyqtaǵy ult-azattyq qozǵalystyń kóshbasshysy Keiki batyrdyń múrdesin elge qaitarý týraly máseleni kótergen edi. Sodan 6 qazanda Keiki batyrdyń bassúiegi Astanaǵa jetkizilgen bolatyn. Al keiinirek Ortalyq memlekettik mýzeidiń direktory Nursan Álimbai 12 qazan kúni Keiki batyrdyń bassúiegi antropologiialyq saraptama úshin Vengriiaǵa jetkiziletinin málimdedi. Mýzei basshysy qundy jádigerdi arnaiy konteinerde alyp bardy.
.jpeg)