Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

"Venetsiiaǵa qosh keldińder!". BQO turǵyndary sý basqan úilerdi kórsetti

Ult portaly
"Venetsiiaǵa qosh keldińder!". BQO turǵyndary sý basqan úilerdi kórsetti

kollaj: Tengrinews.kz

Batys Qazaqstan oblysy Jaqsybai aýylynyń turǵyndary sý basqan úileriniń videosyn jiberdi, - dep habarlaidy Tengrinews.kz.

Videolardyń birinde sý basqan bólmede tósek úsinde keiýana otyr. Rolik avtory búkil úige sý kirgenin kórsetedi.

Taǵy bir videony aýyl turǵyndary tóbeden túsirgen. "Venetsiiaǵa qosh keldińder!" deidi avtor. 

BQO tótenshe jaǵdailar departamenti qardyń erýinen Jánibek-Talovka avtojoly arqyly sý júrgenin habarlady.

"2 sáýirde keshke Jánibek aýdanynyń soltústik bóliginde Reseimen shekaralas dala aimaǵynan erigen sýdyń kelýinen Talovka jáne Jaqsybai aýyldarynyń turǵyn úilerin sý basý qaýpi týyndaǵany týraly habarlama tústi. Oqiǵa ornyna qutqarýshylar shyqty. Jánibek aýylynan Talovkaǵa deiingi qashyqtyq - 128 shaqyrym, onyń 90 shaqyrymynda jol joq", - dedi TJD ókilderi.

Keiinirek qutqarýshylar Jaqsybai aýylynda 62 turǵyn úidi sý basqanyn, 637 adam evakýatsiialanǵanyn, onyń ishinde 305 bala bar ekenin habarlady. Olar eldi mekenniń balabaqshasyna ýaqytsha ornalastyryldy.

TJD ókilderi úiler tonalmas úshin patrýlder qyzmet etip jatqanyn aitty. BQO qutqarýshylaryna kómekke Mańǵystaý oblysynan TJD-niń 43 qyzmetkeri keldi.

Jaǵdaiǵa BQO ákimi Ǵali Esqaliev te túsinik berdi.

"Jaqyn arada sý dalaǵa ketip, avtomobil joldaryn qalpyna keltirýge múmkindik týady dep úmittenemiz", - dedi aimaq basshysy.

Eske salaiyq, Batys Qazaqstan oblysynda úsh aýdanda TJ rejimi jariialandy. Erigen qar sýy turǵyn úiler men avtomobil joldaryn basyp jatyr. Qutqarýshylar kúsheitilgen rejimde jumys istep júr. TJM málimetinshe, sý tasqyny kezeńi bastalǵannan beri Qazaqstannyń bes eldi mekeninde 80 turǵyn úi men eki áleýmettik nysan sý astynda qaldy.

Oqi otyryńyz