Venesýelada 24 maýsym keshinde araǵa nebári 39 sekýnd salyp magnitýdasy 7,2 jáne 7,5 bolatyn eki kúshti jer silkinisi tirkeldi, dep habarlaidy ult.kz.
AQSh Geologiialyq qyzmetiniń málimetinshe, negizgi jer silkinisiniń oshaǵy Karabobo shtatyndaǵy Moron qalasynan ońtústik-batysqa qarai 16 shaqyrym jerde ornalasqan. Jerasty dúmpýiniń kindigi shamamen 10 shaqyrym tereńdikte bolǵan.
Tabiǵi apat saldarynan el astanasy Karakas qalasynda turǵyn úiler qirap, birqatary aýyr zaqymdanǵan. Venesýelanyń ishki ister ministri Diasdado Kabelo Altamira jáne Los-Palos-Grandes aýdandarynda kúrdeli jaǵdai qalyptasqanyn málimdedi.
Jer silkinisiniń dúmpýi Trýhilo, Iarakýi, Karabobo, Aragýa, Miranda jáne La-Gýaira shtattarynda da sezilgen. Qiraǵan aýmaqtarǵa qutqarýshylar, órt sóndirýshiler men politsiia qyzmetkerleri jiberildi. Bilik turǵyndardy qaitalama dúmpýler qaýpine bailanysty zaqymdanǵan úilerge oralmaýǵa shaqyrdy.
Eldegi basty áýe ailaǵy – Simon Bolivar Halyqaralyq áýejaiy terminalynyń shatyr bóligi qulap, sonyń saldarynan barlyq áýe reisteri toqtatyldy.
Venesýela biligi tótenshe jaǵdai rejimin engizdi.
Qazirgi ýaqytta qaza tapqandar men zardap shekkender týraly resmi aqparat jariialanǵan joq. Degenmen AQSh Geologiialyq qyzmetiniń PAGER avtomattandyrylǵan júiesi apat saldary óte aýyr bolýy múmkin ekenin boljap otyr. Sarapshylardyń baǵalaýynsha, tabiǵi apat adam shyǵyny men materialdyq zalaldyń aýqymdy bolýyna ákelýi yqtimal.
Aldyn ala esepter boiynsha, jer silkinisi Venesýelanyń iri ónerkásiptik jáne munai óńdeý ortalyqtaryna áser etken. Amerikalyq sarapshylar el ekonomikasy jalpy ishki óniminiń 20 paiyzǵa deiingi bóligin joǵaltýy múmkin ekenin aityp otyr.
