Ýkraina prezidenti Vladimir Zelenskii reper Potapty (Aleksei Potapenko) «Ýkrainanyń eńbek sińirgen ártisi» ataǵynan aiyrý máselesin qaraýdy úkimet pen Ýkraina Qaýipsizdik qyzmetine tapsyrdy, dep habarlaidy Ult.kz.
Bul sheshim 25 myńnan astam daýys jinaǵan elektrondy petitsiiadan keiin qabyldanǵan. Zelenskii petitsiiany Úkimetke joldap, oǵan qoldaý bildirgen azamattarǵa alǵys aitty.
Prezidenttiń jaýabynda bul bastama «Resei yqpalyna qarsy kúreske» baǵyttalǵany aitylǵan.
Buǵan deiin Ýkraina Joǵarǵy Radasy Vladimir Zelenskiiden Potapty atalǵan ataqtan aiyrýdy suraý týraly sheshim qabyldai almaǵan.
Aita keteiik, tamyz aiynda Potap pen onyń jubaiy Anastasiia Kamenskih Ýkrainada orys tiline bailanysty qýdalaýǵa qarsylyq bildirgen edi. Olar áleýmettik jelide orys tilinde sóilegeni úshin ázil túrinde «keshirim suraǵan» video jariialaǵan.
Keiin óner ieleri Ýkrainadaǵy «Mirotvorets» derekqoryna engizildi.
