ۆەنەسۋەلادا 24 ماۋسىم كەشٸندە اراعا نەبەرٸ 39 سەكۋند سالىپ ماگنيتۋداسى 7,2 جەنە 7,5 بولاتىن ەكٸ كٷشتٸ جەر سٸلكٸنٸسٸ تٸركەلدٸ, دەپ حابارلايدى ult.kz.
اقش گەولوگييالىق قىزمەتٸنٸڭ مەلٸمەتٸنشە, نەگٸزگٸ جەر سٸلكٸنٸسٸنٸڭ وشاعى كارابوبو شتاتىنداعى مورون قالاسىنان وڭتٷستٸك-باتىسقا قاراي 16 شاقىرىم جەردە ورنالاسقان. جەراستى دٷمپۋٸنٸڭ كٸندٸگٸ شامامەن 10 شاقىرىم تەرەڭدٸكتە بولعان.
تابيعي اپات سالدارىنان ەل استاناسى كاراكاس قالاسىندا تۇرعىن ٷيلەر قيراپ, بٸرقاتارى اۋىر زاقىمدانعان. ۆەنەسۋەلانىڭ ٸشكٸ ٸستەر مينيسترٸ دياسدادو كابەلو التاميرا جەنە لوس-پالوس-گراندەس اۋداندارىندا كٷردەلٸ جاعداي قالىپتاسقانىن مەلٸمدەدٸ.
جەر سٸلكٸنٸسٸنٸڭ دٷمپۋٸ ترۋحيلو, ياراكۋي, كارابوبو, اراگۋا, ميراندا جەنە لا-گۋايرا شتاتتارىندا دا سەزٸلگەن. قيراعان اۋماقتارعا قۇتقارۋشىلار, ٶرت سٶندٸرۋشٸلەر مەن پوليتسييا قىزمەتكەرلەرٸ جٸبەرٸلدٸ. بيلٸك تۇرعىنداردى قايتالاما دٷمپۋلەر قاۋپٸنە بايلانىستى زاقىمدانعان ٷيلەرگە ورالماۋعا شاقىردى.
ەلدەگٸ باستى ەۋە ايلاعى – سيمون بوليۆار حالىقارالىق ەۋەجايى تەرمينالىنىڭ شاتىر بٶلٸگٸ قۇلاپ, سونىڭ سالدارىنان بارلىق ەۋە رەيستەرٸ توقتاتىلدى.
ۆەنەسۋەلا بيلٸگٸ تٶتەنشە جاعداي رەجيمٸن ەنگٸزدٸ.
قازٸرگٸ ۋاقىتتا قازا تاپقاندار مەن زارداپ شەككەندەر تۋرالى رەسمي اقپارات جارييالانعان جوق. دەگەنمەن اقش گەولوگييالىق قىزمەتٸنٸڭ PAGER اۆتوماتتاندىرىلعان جٷيەسٸ اپات سالدارى ٶتە اۋىر بولۋى مٷمكٸن ەكەنٸن بولجاپ وتىر. ساراپشىلاردىڭ باعالاۋىنشا, تابيعي اپات ادام شىعىنى مەن ماتەريالدىق زالالدىڭ اۋقىمدى بولۋىنا ەكەلۋٸ ىقتيمال.
الدىن الا ەسەپتەر بويىنشا, جەر سٸلكٸنٸسٸ ۆەنەسۋەلانىڭ ٸرٸ ٶنەركەسٸپتٸك جەنە مۇناي ٶڭدەۋ ورتالىقتارىنا ەسەر ەتكەن. امەريكالىق ساراپشىلار ەل ەكونوميكاسى جالپى ٸشكٸ ٶنٸمٸنٸڭ 20 پايىزعا دەيٸنگٸ بٶلٸگٸن جوعالتۋى مٷمكٸن ەكەنٸن ايتىپ وتىر.
