FlyDubai áýe kompaniiasynyń Dýbaidan Tel-Avivke baǵyt alǵan ushaǵynda ushqyshtar arasynda janjal bolyp, áýe kemesi kúrt tómendegen. Oqiǵaǵa qatysty jańa málimetter paida boldy, dep habarlaidy ult.kz.
Oqiǵa 30 qyrkúiek kúni Saýd Arabiiasynyń áýe keńistiginde bolǵan. Ushaq tótenshe jaǵdai signalyn bergen. Izraildiń áskeri ushaqtary áýe kemesin Saýd Arabiiasyndaǵy Tabýk áýejaiyna deiin alyp barǵan.
Izraildik Walla basylymynyń málimetinshe, borttan ushaqty basyp alý týraly signal berilgen.
Al Shot Telegram-arnasy ushaqtyń shamamen 29 sekýnd ishinde 4,5 shaqyrymǵa tómendegenin jazdy. Bul sekýndyna 150 metrden astam tómendeý bolǵanyn bildiredi.
Aldyn ala málimet boiynsha, ushqyshtardyń biri ózine qol jumsaýǵa áreket jasaǵan. Ekinshi ushqysh oǵan kedergi keltirmek bolǵan.
Shot málimetinshe, ekinshi ushqysh komandirge pyshaqpen shabýyl jasap, ony jaralaǵan. Osydan keiin ushaq kúrt tómen qarai baǵyt alǵan.
Oqiǵa kezinde bortta jolaýshylardan bólek, qyzmettik issaparmen ushyp bara jatqan basqa ushqyshtar bolǵan. Mash málimetinshe, olar ekipajǵa kómektesip, ushaqty qaýipsiz jerge qondyrýǵa qatysqan.
Oqiǵa saldarynan ushqyshtardyń biriniń jaraqat alǵany týraly aqparat bar. Áleýmettik jelide oqiǵa ornynan túsirilgen kadrlarda kiimine qan tigen er adam kórinedi.
Bortta 150-den 180-ge deiin jolaýshy bolǵany aitylady. Qazirgi ýaqytta jolaýshylardyń barlyǵy qaýipsiz jerde, olarǵa qaýip tónip turǵan joq.
