Tanymal halyqaralyq pitstseriia jelisine jasalǵan kibershabýyldan keiin hakerler Qazaqstandaǵy shamamen 6 mln klienttiń derekterin qolǵa túsirgenin málimdedi, dep habarlaidy ult.kz.
KTK málimetinshe, urlanǵan aqparattyń ishinde klientter men qyzmetkerlerdiń aty-jóni, elektrondy poshtasy, telefon nómiri jáne mekenjaiy bar. Sondai-aq hakerler 2024 jyldan bergi tapsyrystar tarihyn da jariialaǵan.
Kompaniianyń málimdeýinshe, klientterdiń tólem derekteri zardap shekpegen. Qazir aqparattyq qaýipsizdik mamandary shabýyldy tekserip, shabýyldaýshylardyń júiege qoljetimdiligin buǵattaǵan.
Hakerler urlanǵan málimetterdi Telegram-arnasynda ashyq jariialap, jýrnalistermen de bailanysqa shyqqan.
Qazaqstannyń Ishki ister ministrligi bul derek boiynsha qylmystyq is qozǵady. IIM orynbasary Sanjar Ádilovtiń aitýynsha, tergeý aiasynda birneshe baǵyt boiynsha jumys júrgizilip jatyr jáne úsh adam qylmystyq qýdalaý aiasynda qarastyrylýda.
Mamandardyń aitýynsha, mundai derekter alaiaqtardyń qolyna tússe, azamattarǵa baǵyttalǵan fishing, jalǵan qońyraýlar jáne basqa da alaiaqtyq áreketter úshin paidalanylýy múmkin.
