Búgin QR Premer-Ministriniń orynbasary Eraly Toǵjanovtyń tóraǵalyǵymen ótken Koronavirýstyń taralýyna jol bermeý jónindegi vedomstvoaralyq komissiianyń otyrysy ótti, dep habarlaidy QR Úkimetiniń resmi saity.
Basqosýda Memleket basshysynyń karantin sharalaryn eki aptaǵa uzartý jónindegi tapsyrmasy, óńirlerdegi epidemiologiialyq jaǵdai, sondai-aq karantin rejimin buzý faktileri jan-jaqty qaraldy.
Karantin rejiminiń uzartylýyna bailanysty óńirler ákimdikterine biznes sýbektilerimen karantin sharalary aiaqtalǵannan keiin olardyń qyzmetin qalpyna keltirý boiynsha aldyn ala jumys júrgizý tapsyryldy.
Densaýlyq saqtaý ministrligine aǵymdaǵy jyldyń 5 tamyzyna deiin engiziletin nysandar boiynsha sanitarlyq talaptardy bekitý jáne jariialaý tapsyryldy.
Qabyldanǵan sharalardyń tiimdiligin arttyrý maqsatynda Vedomstvoaralyq komissiia memlekettik organdar men laýazymdy tulǵalardyń jergilikti jerlerde sanitarlyq talaptardy saqtaý úshin jaýapkershilik aimaǵyn bekitti.
Biznes sýbektilerin qaita jańǵyrtý boiynsha zertteý aktilerin óńirler, qalalar, aýdandar ákimdikteriniń basshylary, aýmaqtyq sanitarlyq qyzmetter, jurtshylyq ókilderi jáne «Atameken» UKP jeke qabyldaityn bolady.
Sonymen qatar, pnevmoniiadan ólim-jitimniń eń joǵary deńgeii tirkelgen Pavlodar oblysy ákimdiginiń, sondai-aq COVID-19-ben aýyrýdyń ósýine bailanysty Shyǵys Qazaqstan oblysy ákimdiginiń qyzmeti tyńdaldy.
Ishki ister ministrligi elimizde 11 myń reidti júrgizý nátijesi týraly baiandady, onyń qorytyndysy boiynsha 4 600 sanitarlyq tártip buzýshylyq anyqtaldy. Vitse-premer Qostanai, Batys Qazaqstan jáne Aqtóbe oblystarynyń ákimdikterine osy baǵyttaǵy jumysty kúsheitýdi tapsyrdy.
Keńes qorytyndysy boiynsha E.Toǵjanov birqatar naqty tapsyrmalar berdi.
