بٷگٸن قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن ٶتكەن كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ وتىرىسى ٶتتٸ, دەپ حابارلايدى قر ٷكٸمەتٸنٸڭ رەسمي سايتى.
باسقوسۋدا مەملەكەت باسشىسىنىڭ كارانتين شارالارىن ەكٸ اپتاعا ۇزارتۋ جٶنٸندەگٸ تاپسىرماسى, ٶڭٸرلەردەگٸ ەپيدەميولوگييالىق جاعداي, سونداي-اق كارانتين رەجيمٸن بۇزۋ فاكتٸلەرٸ جان-جاقتى قارالدى.
كارانتين رەجيمٸنٸڭ ۇزارتىلۋىنا بايلانىستى ٶڭٸرلەر ەكٸمدٸكتەرٸنە بيزنەس سۋبەكتٸلەرٸمەن كارانتين شارالارى اياقتالعاننان كەيٸن ولاردىڭ قىزمەتٸن قالپىنا كەلتٸرۋ بويىنشا الدىن الا جۇمىس جٷرگٸزۋ تاپسىرىلدى.
دەنساۋلىق ساقتاۋ مينيسترلٸگٸنە اعىمداعى جىلدىڭ 5 تامىزىنا دەيٸن ەنگٸزٸلەتٸن نىساندار بويىنشا سانيتارلىق تالاپتاردى بەكٸتۋ جەنە جارييالاۋ تاپسىرىلدى.
قابىلدانعان شارالاردىڭ تيٸمدٸلٸگٸن ارتتىرۋ ماقساتىندا ۆەدومستۆوارالىق كوميسسييا مەملەكەتتٸك ورگاندار مەن لاۋازىمدى تۇلعالاردىڭ جەرگٸلٸكتٸ جەرلەردە سانيتارلىق تالاپتاردى ساقتاۋ ٷشٸن جاۋاپكەرشٸلٸك ايماعىن بەكٸتتٸ.
بيزنەس سۋبەكتٸلەرٸن قايتا جاڭعىرتۋ بويىنشا زەرتتەۋ اكتٸلەرٸن ٶڭٸرلەر, قالالار, اۋداندار ەكٸمدٸكتەرٸنٸڭ باسشىلارى, اۋماقتىق سانيتارلىق قىزمەتتەر, جۇرتشىلىق ٶكٸلدەرٸ جەنە «اتامەكەن» ۇكپ جەكە قابىلدايتىن بولادى.
سونىمەن قاتار, پنەۆمونييادان ٶلٸم-جٸتٸمنٸڭ ەڭ جوعارى دەڭگەيٸ تٸركەلگەن پاۆلودار وبلىسى ەكٸمدٸگٸنٸڭ, سونداي-اق COVID-19-بەن اۋىرۋدىڭ ٶسۋٸنە بايلانىستى شىعىس قازاقستان وبلىسى ەكٸمدٸگٸنٸڭ قىزمەتٸ تىڭدالدى.
ٸشكٸ ٸستەر مينيسترلٸگٸ ەلٸمٸزدە 11 مىڭ رەيدتٸ جٷرگٸزۋ نەتيجەسٸ تۋرالى باياندادى, ونىڭ قورىتىندىسى بويىنشا 4 600 سانيتارلىق تەرتٸپ بۇزۋشىلىق انىقتالدى. ۆيتسە-پرەمەر قوستاناي, باتىس قازاقستان جەنە اقتٶبە وبلىستارىنىڭ ەكٸمدٸكتەرٸنە وسى باعىتتاعى جۇمىستى كٷشەيتۋدٸ تاپسىردى.
كەڭەس قورىتىندىسى بويىنشا ە.توعجانوۆ بٸرقاتار ناقتى تاپسىرمالار بەردٸ.
