Vasilii Levit Germaniianyń Galle qalasynda ótip jatqan «Chemistry Cup» halyqaralyq týrniriniń finalyna shyqty, dep habarlaidy "Ult aqparat".
Jartylai finalda Levit ýkrainalyq Konstantin Pinchýkten ailasyn asyrdy.
Al, ózge boksshylarymyz aqtyq jekpe-jekke deiin-aq qarsylastaryna jol berdi. Tek Ádilbek Niiazymbetov belgili sebepterge bailanysty jarysqa shyqpai qaldy.
49 kelige deiin óner kórsetken Erjan Jomart Ekvador boksshysy Karlos Kýpodan 1:4 esebimen utylsa, 52 kelige deiingi salmaqta Azamat Isaqulov AQSh boksshysy Gilbert Renteriiadan 5:0 esebimen jeńilip qaldy.
56 kelige deiin salmaqta synǵa túsken Qairat Eraliev taǵy bir amerikalyq boksshy Diýk Ragannǵa 0:5 esebimen jol berdi. Al 81 kelige deiingi salmaqta Olimpiada oiyndarynyń eki dúrkin kúmis júldegeri Ádilbek Niiazymbetov ringke shyqpaǵany úshin jeńis ýkrainalyq Maksim Kotske berildi. 91 kelige deiingi salmaqta Vasilii Levit Ýkraina boksshysy Konstantin Pinchýkti 5:0 esebimen utyp finalǵa shyqty. Finaldyq kezdesýler búgin ótedi.
