ۆاسيليي لەۆيت گەرمانييانىڭ گاللە قالاسىندا ٶتٸپ جاتقان «Chemistry Cup» حالىقارالىق تۋرنيرٸنٸڭ فينالىنا شىقتى, دەپ حابارلايدى "ۇلت اقپارات".
جارتىلاي فينالدا لەۆيت ۋكراينالىق كونستانتين پينچۋكتەن ايلاسىن اسىردى.
ال, ٶزگە بوكسشىلارىمىز اقتىق جەكپە-جەككە دەيٸن-اق قارسىلاستارىنا جول بەردٸ. تەك ەدٸلبەك نييازىمبەتوۆ بەلگٸلٸ سەبەپتەرگە بايلانىستى جارىسقا شىقپاي قالدى.
49 كەلٸگە دەيٸن ٶنەر كٶرسەتكەن ەرجان جومارت ەكۆادور بوكسشىسى كارلوس كۋپودان 1:4 ەسەبٸمەن ۇتىلسا, 52 كەلٸگە دەيٸنگٸ سالماقتا ازامات يساقۇلوۆ اقش بوكسشىسى گيلبەرت رەنتەرييادان 5:0 ەسەبٸمەن جەڭٸلٸپ قالدى.
56 كەلٸگە دەيٸن سالماقتا سىنعا تٷسكەن قايرات ەراليەۆ تاعى بٸر امەريكالىق بوكسشى ديۋك راگاننعا 0:5 ەسەبٸمەن جول بەردٸ. ال 81 كەلٸگە دەيٸنگٸ سالماقتا وليمپيادا ويىندارىنىڭ ەكٸ دٷركٸن كٷمٸس جٷلدەگەرٸ ەدٸلبەك نييازىمبەتوۆ رينگكە شىقپاعانى ٷشٸن جەڭٸس ۋكراينالىق ماكسيم كوتسكە بەرٸلدٸ. 91 كەلٸگە دەيٸنگٸ سالماقتا ۆاسيليي لەۆيت ۋكراينا بوكسشىسى كونستانتين پينچۋكتٸ 5:0 ەسەبٸمەن ۇتىپ فينالعا شىقتى. فينالدىق كەزدەسۋلەر بٷگٸن ٶتەدٸ.
