Qazaqstandyq boksshy Vasilii Levit bokstan Aziianyń úsh dúrkin chempiony atandy, - dep habarlaidy kaz.vesti.kz. 91 kelige deiingi salmaq dárejesinde ótken finalda qazaqstandyq úndi boksshysy Sýmit Sangvanmen kezdesti.
Eske salaiyq, Vasilii Levit Qytaida 2009 jyly ótken Aziia chempionatynda jeńiske jetken bolatyn. Al ekinshi ret Tailandta 2015 jyly úzdik bolǵan edi.
Al osyǵan deiin taǵy bir qazaqstandyq boksshy Ádilet Qurmetovtyń álem chempionatyna joldama alǵany belgili bolǵan edi. Tashkentte ótip jatqan Aziia chempionatynda ol taipeilik Chý-En Laidy jeńdi. Jekpe-jek 60 kelige deiingi salmaq dárejesinde ótti. Qurmetov ekinshi raýdnta qarsylasyn nokdaýnǵa túsirip, qazylar alqasynyń sheshimimen jeńiske jetti.
Sondai-aq, qazaqstandyq boksshy Erik Áljanovtyń finalda ózbek boksshysynan jeńilip qalǵany belgili. Ol 81 kelige deiingi kategoriiada judyryqtasqan. Finalda ol ózbek Bektemir Melikýzievpen judyryqtasqan. Úsh raýndtyń qorytyndysy boiynsha tóreshiler ózbek boksshysy jeńdi degen sheshim shyǵardy.
