Rio-de-Janeirodaǵy 2016 jylǵy Olimpiada oiyndaryndaǵy boks týrniriniń táýelsiz tergeýi qazaqstandyq boksshy Vasilii Levit sybailas jemqorlyq qurbany bolǵanyn dáleldedi. Bul týraly Boxingscene.com málim etti, - dep habarlaidy Tengrinews.kz tilshisi vesti.kz basylymyna silteme jasap.
Professor Richard Maklaren sońǵy úsh aida OI-daǵy sot sheshimderin zerttep, 149 betten turatyn baiandama jariialaǵan. Onda altyn medaldar úshin birqatar jekpe-jek jemqor sheneýnikter men sýdialardyń, sondai-aq paraqorlyqqa qatysty jasalǵan qastandyq boldy delingen.
Basylym málimetinshe, tekserilgen jekpe-jekter arasynda qazaqstandyq Vasilii Levittiń 91 kelige deiingi salmaq dárejesinde reseilik Evgenii Tishenkomen kezdesýi de bolǵan. Onda reseilik Evgenii Tishenko jeńiske jetken edi.
Tergeý nátijesinde jerebe men nátijeni manipýliatsiialaý irikteý tsikli men Olimpiadanyń negizgi týrniri barysynda qaitalanǵany aitylady. Sonymen qatar, 2012 jylǵy London oiyndarynda boks týrniri sybailas jemqorlyqqa qatysty dep kúdikke ilingen.
"Jekpe-jekter aqsha úshin, AIBA-nyń paidasy úshin nemese ulttyq federatsiialar men olardyń olimpiadalyq komitetterine, jarys uiymdastyrýshylaryna qarjylyq jáne saiasi qoldaýy úshin ózgertildi. Búginde júrgizilgen tergeý mundai manipýliatsiialarda alty tańbaly soma qoldanylǵan degen qorytyndyǵa keldi. Tergeý kezinde tabylǵan dálelder naqty", - delingen habarlamada.
Qujatta Ioka men Tishenkonyń nátijesi týrnir boiy kótermelengeni aitylady. Buny boksshylar bilgeni týraly aqparat joq. Kúmándi jekpe-jek sanalǵandardyń ishinde Tishenkonyń italialyq Klement Rýssony jeńgen kezdesýi de atalady, deidi basylym.
Maklarenniń bul esebi - AIBA isi boiynsha josparlanǵan úsh eseptiń birinshisi, taǵy ekeýi qazanda jáne naýryzda shyǵady. Tergeý júrgizýdi AIBA-nyń qazirgi basshysy Ýmar Kremlev tapsyrǵan.
