AQSh astanasynda jappai tártipsizdikke bailanysty komendanttyq saǵat engizildi, dep habarlaidy BBC agenttigi.
Sársenbi kúni AQSh kongresi sailaýshylardyń daýsyn eseptep, 2020 jylǵy prezident sailaýynyń qorytyndysyn shyǵarý úshin jinalǵan bolatyn. Ózderińizge belgili, bul sailaýda demokrattar partiiasynyń ókili Djo Baiden jeńiske jetken edi.
Vashingtonda buǵan deiingi prezident Donald Tramp jaqtastarynyń jappai narazylyq aktsiiasynan keiin oǵan qatysýshylardyń bir toby kongress ǵimaratyna basyp kirdi.
Jalpy, Donald Tramp osynyń aldynda Vashingtonnyń ortasynda myńdaǵan adam jinalǵan mitingte sóz sóilep, óziniń jeńilgenin moiyndamaitynyn aitqan. Sóitip ózine senetin qaýymdy Kapitolii ǵimaratyna baryp, narazylyq bildirýge shaqyrdy.
Tún jarymyna qarai AQSh kongresi men senatyn kúzetetin politsiia Tramptyń jaqtastaryn Kapitolii aýmaǵynan tyqsyryp shyǵardy.
Qaýipsizdiktiń jańa perimetri úkimet mekemelerinen 100-150 metr qashyqtyqta dep belgilengen. Politsiia demonstranttardy áli de qýyp jatyr.
Senat ǵimaratyn AQSh ulttyq ulanynyń jasaǵy da kúzetip tur.
Soǵan qaramastan politsiia narazylyq bildirýshilerdi ustap, qamaǵan joq. Olar tek Tramp jaqtastarynyń bul jerden ketýge úgittep, kóndirip jatyr. Bilik komendanttyq saǵat engizdi.
Narazylyq aktsiiasynan keiin AQSh kongresi daýys sertifikattaýdy jalǵastyrýǵa daiyn ekenin málimdedi.
