اقش استاناسىندا جاپپاي تەرتٸپسٸزدٸككە بايلانىستى كومەندانتتىق ساعات ەنگٸزٸلدٸ, دەپ حابارلايدى BBC اگەنتتٸگٸ.
سەرسەنبٸ كٷنٸ اقش كونگرەسٸ سايلاۋشىلاردىڭ داۋسىن ەسەپتەپ, 2020 جىلعى پرەزيدەنت سايلاۋىنىڭ قورىتىندىسىن شىعارۋ ٷشٸن جينالعان بولاتىن. ٶزدەرٸڭٸزگە بەلگٸلٸ, بۇل سايلاۋدا دەموكراتتار پارتيياسىنىڭ ٶكٸلٸ دجو بايدەن جەڭٸسكە جەتكەن ەدٸ.
ۆاشينگتوندا بۇعان دەيٸنگٸ پرەزيدەنت دونالد ترامپ جاقتاستارىنىڭ جاپپاي نارازىلىق اكتسيياسىنان كەيٸن وعان قاتىسۋشىلاردىڭ بٸر توبى كونگرەسس عيماراتىنا باسىپ كٸردٸ.
جالپى, دونالد ترامپ وسىنىڭ الدىندا ۆاشينگتوننىڭ ورتاسىندا مىڭداعان ادام جينالعان ميتينگتە سٶز سٶيلەپ, ٶزٸنٸڭ جەڭٸلگەنٸن مويىندامايتىنىن ايتقان. سٶيتٸپ ٶزٸنە سەنەتٸن قاۋىمدى كاپيتوليي عيماراتىنا بارىپ, نارازىلىق بٸلدٸرۋگە شاقىردى.
تٷن جارىمىنا قاراي اقش كونگرەسٸ مەن سەناتىن كٷزەتەتٸن پوليتسييا ترامپتىڭ جاقتاستارىن كاپيتوليي اۋماعىنان تىقسىرىپ شىعاردى.
قاۋٸپسٸزدٸكتٸڭ جاڭا پەريمەترٸ ٷكٸمەت مەكەمەلەرٸنەن 100-150 مەتر قاشىقتىقتا دەپ بەلگٸلەنگەن. پوليتسييا دەمونسترانتتاردى ەلٸ دە قۋىپ جاتىر.
سەنات عيماراتىن اقش ۇلتتىق ۇلانىنىڭ جاساعى دا كٷزەتٸپ تۇر.
سوعان قاراماستان پوليتسييا نارازىلىق بٸلدٸرۋشٸلەردٸ ۇستاپ, قاماعان جوق. ولار تەك ترامپ جاقتاستارىنىڭ بۇل جەردەن كەتۋگە ٷگٸتتەپ, كٶندٸرٸپ جاتىر. بيلٸك كومەندانتتىق ساعات ەنگٸزدٸ.
نارازىلىق اكتسيياسىنان كەيٸن اقش كونگرەسٸ داۋىس سەرتيفيكاتتاۋدى جالعاستىرۋعا دايىن ەكەنٸن مەلٸمدەدٸ.
