5 qyrkúiekte Qazaqstan qor birjasynyń (KASE) tańerteńgilik sessiiasynda dollar baǵamy 369,63 teńgeni qurady, dep habarlaidy Sputnik.
Aita keteiik, bir kún ishinde ulttyq valiýta 2,58 teńgege arzandady.
Eń tómengi mólsherleme 368,5 teńge, eń joǵarǵysy 369,9 teńge deńgeiinde qalyptasty. AQSh valiýtasymen saýda kólemi 143 million 850 myń dollardy qurady. Valiýta operatsiialarymen jasalǵan mámileler sany – 272.
Ulttyq banktiń málimetinshe, dollardyń resmi baǵamy 367,52 teńge bolyp bekitildi.
Alaida Astana men Almatydaǵy aiyrbastaý pýnktteri dollardy 373 teńgeden satyp jatyr.
kurs.kz saitynda jariialanǵan aqparatqa sáikes, biylǵy jyldyń 1 qańtarynda Qazaqstannyń aiyrbastaý pýnktterinde AQSh valiýtasynyń quny 334 teńge bolǵan. 9 ai ishinde dollar 36 teńgege qymbattady.
Ulttyq valiýtanyń taǵdyry ne bolmaq?
Aita keteiik, Ulttyq bank tóraǵasy Daniiar Aqyshev 2019 jyldan 2020 jylǵa deiingi kezeńde infliatsiia shekten asady dep boljanyp otyrǵanyn eskertti. Onyń aitýynsha, bul Reseige salynǵan sanktsiialarǵa, teńgeniń álsireýine, munai baǵasynyń tómendep, áleýmettik shyǵystar men kredit kóleminiń ulǵaiýyna bailanysty.
Ulttyq ekonomika ministri Timýr Súleimenov onyń málimdemesinde jaýap retinde áleýmettik-ekonomikalyq damý boljamy kelesi úsh jylǵa arnalǵan biýdjet týraly zańmen birge parlamentke usynylǵandyqtan infliatsiia dálizi ózgermegenin málimdedi.
Ulttyq banktiń derekteri boiynsha, Qazaqstanda infliatsiia 2018 jyldyń tamyz aiynda 0,2% —dy qurady, jyl basynan beri — 2,9%. 2018 jyldyń qorytyndysy boiynsha ol maqsatty dálizdiń joǵarǵy shegine – 5-7% deiin jetýi múmkin. Ótken jyly onyń deńgeii 7,1% boldy.
