Koronavirýsqa qarsy vaktsinalaýdyń 1-kezeńinde elordada 6 300 adam ekpe alady. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Timýr Muratov aitty, dep habarlaidy QazAqparat.
«Ótken aptada reseilik Sputnik-V vaktsinalary jetkizildi. Keshe basqarma qoimalaryna algashqy partiia taratyldy. Preparat - eki komponentti, úsh apta merziminde eki ret eńgiziledi. Halyqty COVID-19-qa qarsy jappai vaktsinatsiialaýǵa daiyndyq kezinde alǵashqy meditsinalyq-sanitarlyq kómek uiymdaryna 22 muzdatqysh qondyrǵy satyp alyndy, temperatýra rejimi minýs 18 gradýstan kem emes. Jabdyqtar 19 aqpanda jetkiziledi dep kútiledi», - dedi ol Ortalyq kommýnikatsiialar qyzmetindegi baspasóz máslihatynda.
Basqarma tóraǵasynyń aitýynsha, qalalyq emhanalar vaktsinalardy qoimadan ekpe saldyratyn mekemelerge tasymaldaýǵa arnalǵan 20 muzdatqysh jáne 82 jylý konteinerimen qamtamasyz etilgen. Bastapqy kezeńde vaktsinatsiia №2, №4, №6, №7, №9 qalalyq emhanalarda júrgiziledi.
«Birinshi kezeńde táýekel tobyna jatatyn meditsina qyzmetkerleri, atap aitqanda, juqpaly aýrýlar aýrýhanalary, jedel-járdem, alǵashqy meditsinalyq kómek kórsetý uiymdary, kópsalaly aýrýhanalardyń qabyldaý bólimderi qyzmetkerleri vaktsinalanady. Odan ári muǵalimder, politsiia qyzmetkerleri, Qorǵanys ministrligi, Ishki ister ministrligi jáne osylaisha kezeń-kezeń boiynsha barlyq halyq qamtylady. Búgingi kúni alǵashqy meditsinalyq-sanitarlyq kómek uiymdarynda emshara bólmeleri men kútý bólmeleri ázirlengen. Onda ekpe alǵan adamdar vaktsinatsiiadan keiin 30 minýt ishinde fizikalyq ara-qashyqtyq talaptaryna sáikes dárigerdiń baqylaýynda bolýy kerek», - dedi Timýr Muratov.
Onyń atap ótýinshe, turǵyndardyń immýndaý jáne vaktsinatsiia týraly suraqtaryna jaýap berý úshin senim telefondary uiymdastyrylǵan. Ekpe salý boiynsha patsienttiń baǵyt-baǵdary ázirlengen.
«1-kezeńde vaktsinalaýǵa jatatyn kontingenttiń tizimderi daiyndaldy. Bul – 6 300 adam. Olardyń arasynda ekpe salýǵa jatpaityn adamdar bolýy múmkin. 150 meditsinalyq qyzmetker COVID-19 qarsy vaktsinatsiiaǵa daiyndyq jáne júrgizý jumystary boiynsha oqytyldy», - dedi basqarma basshysy.
