Túrkistan oblysynda 1-15 aqpan aralyǵynda 1110 meditsina qyzmetkeri Covid-19-ǵa qarsy ekpe saldyrdy. Bul týraly ákimdiktiń baspasóz qyzmeti habarlady.
Sońǵy bir táýlik ishinde óńirde koronavirýs infektsiiasyn juqtyrýdyń 6 jaǵdaiy rastaldy. COVID-19 infektsiiasynyń kúndelikti ósý deńgeii 0,14% quraidy. Pandemiia bastalǵaly beri óńirde 4215 jaǵdaiy tirkeldi. Onyń 2704-si simptomsyz bolyp, 1 672-i statsionarlyq em qabyldady.
Elimizde halyqty koronavirýs infektsiiasyna qarsy vaktsinatsiialaý 2021 jylǵy 1 aqpannan bastalǵany belgili. 11 aqpanǵa deiingi kezeńde el aýmaǵynda 14 myńǵa jýyq adam egildi. Qaýipti indetke qarsy egilgender arasynda immýndaýdan keiin qolaisyz kórinister tirkelgen joq. Biraq, yqtimal reaktsiialar paida bolýy múmkin – qyzarý, inektsiia ornyndaǵy aýyrsyný, temperatýranyń joǵarylaýy, qan qysymynyń qysqa merzimdi joǵarylaýy jáne t.b olar birneshe saǵattan birneshe kúnge deiin sozylady.
Koronavirýsqa qarsy vaktsinany 21 kúndik aralyqpen eki kezeńde engizý kerek. Birinshi doza antidenelerdiń az mólsherin óndirýge bailanysty qysqa qorǵanys áserin beredi. Ekinshi doza birinshisiniń áserin kúsheitip, bekitedi jáne adam aǵzasyndaǵy antideneler sany artady. Vaktsinanyń birinshi jáne ekinshi dozalary arasynda juqtyrý yqtimaldyǵy bar, sondyqtan vaktsinatsiia kezinde dárigerler aldyn-alý erejelerin, mysaly, betperde kiiý, qoldy emdeý, áleýmettik qashyqtyq saqtaýǵa shaqyrady.
«Klinikalyq zertteýlerge sáikes, vaktsinatsiiadan keiin alynǵan immýnitet 1 jyldan 2 jylǵa deiin saqtalady. Sonymen qatar, antideneler KVI-dan qalpyna kelgennen keiin ortasha eseppen 6 ai saqtalatyny anyqtaldy. Osylaisha, vaktsinatsiiadan keiin deneni KVI-den qorǵaityn antideneler uzaǵyraq saqtalady dep aita alamyz»,-dep túsindirdi dáriger-epidemiolog, QR DSM DZSUO sanitarlyq-epidemiologiialyq saraptama jáne monitoring ǵylymi-praktikalyq ortalyǵynyń sarapshysy Lena Qasabekova.
