Vaktsinatsiia balańyzdy ǵana emes, búkil qoǵamdy qorǵaýshy. QR Densaýlyq saqtaý ministrligi janyndaǵy qoǵamdyq keńestiń, Eýraziialyq meditsinalyq qaýymdastyqtyń tóraiymy Nadejda Petýhova osyndai pikir bildirdi, dep habarlaidy QazAqparat.
«Qazirgi vaktsinalardyń sapasy tómen emes. Sebebi olar tyńǵylyqty zertteýden ótkiziledi. Keibir analar dárigerlerdiń patsientke, vaktsinatsiiaǵa túrli kózqaraspen qaraityndyǵyn aiyp otyrǵan shyǵar. Ekpege qarsy shyǵyp júrgen dárigerlerdiń de toby paida bolypty. Olar aýtizm jaiynda, ekpeden keiingi asqynýlar týraly pikir bildirdi. Vaktsinatsiia sizdiń balańyzdyń ǵana emes, sonymen birge búkil qoǵamnyń qorǵaýshysy ekendigin aitqym keledi. Qazirgi ýaqytta koronavirýs indetine bailanysty jaǵdaidy kórip otyrmyz. Eger biz qazirgi ýaqytta vaktsinatsiia mańyzyn jete túsine almasaq, onda vaktsinatsiia salynbaǵan, belgili bir aýrýlardan qorǵalmaǵan balalar kóp bolǵan saiyn umytyp ketken infektsiialardyń qaita shyǵý qaýpi týyndaidy», - dedi ol Qazaqstandaǵy mindetti ekpe máselesin talqylaýǵa arnalǵan onlain konferentsiia barysynda.
Onyń atap ótýinshe, 2002 jyly Qazaqstan poliomelitten azat aimaq sertifikatyn alǵan.
«Osyndai mańyzdy nátijege qol jetkizip otyrmyz. Sebebi poliomelit - bul búkil ómir boiy múgedek bolyp qalýǵa jeteleitin aýrý. 2002 jyldan beri bizde osynaý kúrdeli aýrý tirkelgen joq. Vaktsinatsiia-kavialdy infektsiialarmen bailanysty kóptegen aýrý túrin joidyq», - dedi Nadejda Petýhova.
