ۆاكتسيناتسييا بالاڭىزدى عانا ەمەس, بٷكٸل قوعامدى قورعاۋشى. قر دەنساۋلىق ساقتاۋ مينيسترلٸگٸ جانىنداعى قوعامدىق كەڭەستٸڭ, ەۋرازييالىق مەديتسينالىق قاۋىمداستىقتىڭ تٶرايىمى نادەجدا پەتۋحوۆا وسىنداي پٸكٸر بٸلدٸردٸ, دەپ حابارلايدى قازاقپارات.
«قازٸرگٸ ۆاكتسينالاردىڭ ساپاسى تٶمەن ەمەس. سەبەبٸ ولار تىڭعىلىقتى زەرتتەۋدەن ٶتكٸزٸلەدٸ. كەيبٸر انالار دەرٸگەرلەردٸڭ پاتسيەنتكە, ۆاكتسيناتسيياعا تٷرلٸ كٶزقاراسپەن قارايتىندىعىن ايىپ وتىرعان شىعار. ەكپەگە قارسى شىعىپ جٷرگەن دەرٸگەرلەردٸڭ دە توبى پايدا بولىپتى. ولار اۋتيزم جايىندا, ەكپەدەن كەيٸنگٸ اسقىنۋلار تۋرالى پٸكٸر بٸلدٸردٸ. ۆاكتسيناتسييا سٸزدٸڭ بالاڭىزدىڭ عانا ەمەس, سونىمەن بٸرگە بٷكٸل قوعامنىڭ قورعاۋشىسى ەكەندٸگٸن ايتقىم كەلەدٸ. قازٸرگٸ ۋاقىتتا كوروناۆيرۋس ٸندەتٸنە بايلانىستى جاعدايدى كٶرٸپ وتىرمىز. ەگەر بٸز قازٸرگٸ ۋاقىتتا ۆاكتسيناتسييا ماڭىزىن جەتە تٷسٸنە الماساق, وندا ۆاكتسيناتسييا سالىنباعان, بەلگٸلٸ بٸر اۋرۋلاردان قورعالماعان بالالار كٶپ بولعان سايىن ۇمىتىپ كەتكەن ينفەكتسييالاردىڭ قايتا شىعۋ قاۋپٸ تۋىندايدى», - دەدٸ ول قازاقستانداعى مٸندەتتٸ ەكپە مەسەلەسٸن تالقىلاۋعا ارنالعان ونلاين كونفەرەنتسييا بارىسىندا.
ونىڭ اتاپ ٶتۋٸنشە, 2002 جىلى قازاقستان پوليومەليتتەن ازات ايماق سەرتيفيكاتىن العان.
«وسىنداي ماڭىزدى نەتيجەگە قول جەتكٸزٸپ وتىرمىز. سەبەبٸ پوليومەليت - بۇل بٷكٸل ٶمٸر بويى مٷگەدەك بولىپ قالۋعا جەتەلەيتٸن اۋرۋ. 2002 جىلدان بەرٸ بٸزدە وسىناۋ كٷردەلٸ اۋرۋ تٸركەلگەن جوق. ۆاكتسيناتسييا-كاۆيالدى ينفەكتسييالارمەن بايلانىستى كٶپتەگەن اۋرۋ تٷرٸن جويدىق», - دەدٸ نادەجدا پەتۋحوۆا.
