Búgin Qazaqstanda koronavirýs infektsiiasyna qarsy vaktsinatsiianyń birinshi kezeńi bastaldy. Shyǵys Qazaqstan oblysynyń dárigerleri alǵashqylardyń biri bolyp ekpe alýda, dep habarlaidy "Ult aqparat".
ShQO-nyń meditsina mamandary Instagram áleýmettik jelisinde jańa chellendj bastap, qazaqstandyqtardy óz densaýlyǵyna qamqorlyqpen qaraýǵa jáne egý naýqanyna qatysýǵa shaqyrýda.
«Men «Sputnik V» vaktsinasyn erikti túrde qabyldadym, bul múldem aýyrmaidy, eń bastysy qaýipsiz!!!», - dep jazady jelide Semei qalalyq jedel meditsinalyq járdem stantsiiasynyń bas medbikesi Galina Chýkýrova.
Sondai-aq aktsiiaǵa qatysýshylardyń taǵy biri, Shyǵys Qazaqstan oblystyq aýrýhanasynyń qabyldaý bólimshesiniń aǵa meditsinalyq mamany Oralbek Oralǵaziev vaktsinatsiiadan keiin ózin jaqsy sezinetinin aitady.
«Birinshi bolyp vaktsina qabyldaýdy óz erkimmen sheshtim, bul qajetti shara dep sanaimyn. Qazir men jumysta turmyn, mende barlyǵy jaqsy. V belgisi bar fotosýret vaktsinany bildiredi, sondai-aq bul pandemiiaǵa qarsy bizdiń ortaq jeńisimizdiń belgisi», - dep jazdy Oralbek Oralǵaziev.
Sondai-aq, jas dáriger Instagram-paraqshasynda preparatqa jeke reaktsiialar paida bolǵan jaǵdaida ne isteý kerektigi jónindegi jadynamany qosa ornalastyrǵan. Jadynamada patsientterdiń 10% álsizdik, jalpy sharshaý jáne júrek ainý bolýy múmkin, fizikalyq belsendilikti azaityp, demalýǵa keńes beriledi.
ShQO Aqparat ortalyǵynan málim etkendei, patsientterdiń 5,7% dene men bulshyqettiń aýyrsynýy, bas aýrýy, qaltyraý jáne dene temperatýrasynyń 37 gradýstan joǵary kóterilýi baiqalýy múmkin. 38 gradýstan joǵary temperatýrada mamandar antipiretikalyq jáne aýyrsynýdy basatyn dárilerdi qabyldaýǵa keńes beredi. Eger dene temperatýrasy 39 gradýstan joǵary bolsa jáne dári qabyldaǵannan keiin 4 saǵat ishinde tómendemese, dárigerdi shaqyrý kerek. Patsientterdiń 4,7% vaktsina salynǵan jerde aýyrsyný, qyshý, isiný jáne qyzarý baiqaidy.
