Elordada mamyr aiynyń sońyna qaraiy vaktsinalaý qarqyny sáýirmen alystyrǵanda tómendegen. Qalalyq qoǵamdyq densaýlyq saqtaý basqarmasy basshysynyń orynbasary Áliia Rústemovanyń aitýynsha, ótken táýlikte astanada 2,5 myń qala turǵyny ekpeniń birinshi komponentin alǵan, dep habarlaidy QazAqparat.
«Vaktsina jetkilikti, qazir halyq enjar. Eger sáýir aiy men mamyrdyń basynda turǵyndar táýligine 6-7 myńǵa jýyq vaktsina alsa, qazirgi kórsetkish áldeqaida az. Ótken táýlikte 2,5 myń adam birinshi komponentpen egildi», - dedi qalalyq qoǵamdyq densaýlyq saqtaý basqarmasynyń ókili.
Ol áli de bolsa indetpen kúreste vaktsinalaýdaǵa balama tabylmaǵanyn aitty
«Kórip otyrsyzdar, tek Nur-Sultanda ǵana emes, búkil respýblika boiynsha tómendeý baiqalyp otyr. Niet bildirýshiler azaiyp keledi. Biraq biz adamdar vaktsinalaýǵa balama joq ekenin túsinedi dep oilaimyz. Eger koronavirýs infektsiiasyn toqtatqymyz kelse, vaktsina alýymyz kerek», - dedi Áliia Rústemova.
