ەلوردادا مامىر ايىنىڭ سوڭىنا قارايى ۆاكتسينالاۋ قارقىنى سەۋٸرمەن الىستىرعاندا تٶمەندەگەن. قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ەلييا رٷستەموۆانىڭ ايتۋىنشا, ٶتكەن تەۋلٸكتە استانادا 2,5 مىڭ قالا تۇرعىنى ەكپەنٸڭ بٸرٸنشٸ كومپونەنتٸن العان, دەپ حابارلايدى قازاقپارات.
«ۆاكتسينا جەتكٸلٸكتٸ, قازٸر حالىق ەنجار. ەگەر سەۋٸر ايى مەن مامىردىڭ باسىندا تۇرعىندار تەۋلٸگٸنە 6-7 مىڭعا جۋىق ۆاكتسينا السا, قازٸرگٸ كٶرسەتكٸش ەلدەقايدا از. ٶتكەن تەۋلٸكتە 2,5 مىڭ ادام بٸرٸنشٸ كومپونەنتپەن ەگٸلدٸ», - دەدٸ قالالىق قوعامدىق دەنساۋلىق ساقتاۋ باسقارماسىنىڭ ٶكٸلٸ.
ول ەلٸ دە بولسا ٸندەتپەن كٷرەستە ۆاكتسينالاۋداعا بالاما تابىلماعانىن ايتتى
«كٶرٸپ وتىرسىزدار, تەك نۇر-سۇلتاندا عانا ەمەس, بٷكٸل رەسپۋبليكا بويىنشا تٶمەندەۋ بايقالىپ وتىر. نيەت بٸلدٸرۋشٸلەر ازايىپ كەلەدٸ. بٸراق بٸز ادامدار ۆاكتسينالاۋعا بالاما جوق ەكەنٸن تٷسٸنەدٸ دەپ ويلايمىز. ەگەر كوروناۆيرۋس ينفەكتسيياسىن توقتاتقىمىز كەلسە, ۆاكتسينا الۋىمىز كەرەك», - دەدٸ ەلييا رٷستەموۆا.
