QR Parlamentiniń depýtaty Záýresh Amanjolova «Halyq densaýlyǵy jáne densaýlyq saqtaý júiesi týraly» kodeks jobasynda vaktsinalaýǵa qatysty ózgerister boiynsha pikir bildirdi, dep habarlaidy QazAqparat.
«Kóptegen pikirler aitalǵanyn bilesizder, óziniń mańyzdylyǵy boiynsha Kodekstiń tiisti dárejesi bar. Osy oraida bul máselege nazar aýdaryp, talqylaýǵa qatysqandarǵa alǵysymdy aitamyn», - dedi depýtat Qazaqstandaǵy mindetti ekpe máselesin talqylaýǵa arnalǵan onlain konferentsiiada.
Onyń atap ótýinshe, vaktsina elimizde óte jaqsy nátije berdi. Osy oraida birneshe aýrýlardy joiýǵa múmkin boldy.
«Kodeksti talqylaý barysynda úsh myńnan astam usynys kelip tústi. Salystyrmaly kestede 1,5 myńǵa jýyǵyn qaradyq jáne 717 túzetý maquldandy. Bul óz kezeginde eń aýqymdy zań jobalarynyń biri boldy. Belsendi qatysqan adamdardyń arqasynda osy qujatqa kóptegen ózgertýler engizildi», - dedi depýtat.
Osy oraida ol Kodekste ekpeler mindetti jáne erikti bolyp jiktelgenin eske saldy.
«Biz osyny zańnamylyq deńgeide bóldik. Shyn máninde tizimdi ókiletti organ bekitedi. Qoǵamdaǵy rezonansty tyńǵylyqty zerttedik. Negizgi sebeptiń biri - ekpe sapasyna qatysty. Zań jobasynda óndirýshilerge bailanysty jazalaýdyń qatań sharalaryn qarastyryq. Eger olardyń kinási dáleldense, tolyqtai jaýap beredi. Sonymen qatar, vaktsinany tasymaldaý, saqtaý, sondai-aq ekpe jasaý kezindegi meditsinalyq personaldyń jaýapkershiligi eskerilgen», - dedi Z.Amanjolova.
