قر پارلامەنتٸنٸڭ دەپۋتاتى زەۋرەش امانجولوۆا «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكس جوباسىندا ۆاكتسينالاۋعا قاتىستى ٶزگەرٸستەر بويىنشا پٸكٸر بٸلدٸردٸ, دەپ حابارلايدى قازاقپارات.
«كٶپتەگەن پٸكٸرلەر ايتالعانىن بٸلەسٸزدەر, ٶزٸنٸڭ ماڭىزدىلىعى بويىنشا كودەكستٸڭ تيٸستٸ دەرەجەسٸ بار. وسى ورايدا بۇل مەسەلەگە نازار اۋدارىپ, تالقىلاۋعا قاتىسقاندارعا العىسىمدى ايتامىن», - دەدٸ دەپۋتات قازاقستانداعى مٸندەتتٸ ەكپە مەسەلەسٸن تالقىلاۋعا ارنالعان ونلاين كونفەرەنتسييادا.
ونىڭ اتاپ ٶتۋٸنشە, ۆاكتسينا ەلٸمٸزدە ٶتە جاقسى نەتيجە بەردٸ. وسى ورايدا بٸرنەشە اۋرۋلاردى جويۋعا مٷمكٸن بولدى.
«كودەكستٸ تالقىلاۋ بارىسىندا ٷش مىڭنان استام ۇسىنىس كەلٸپ تٷستٸ. سالىستىرمالى كەستەدە 1,5 مىڭعا جۋىعىن قارادىق جەنە 717 تٷزەتۋ ماقۇلداندى. بۇل ٶز كەزەگٸندە ەڭ اۋقىمدى زاڭ جوبالارىنىڭ بٸرٸ بولدى. بەلسەندٸ قاتىسقان ادامداردىڭ ارقاسىندا وسى قۇجاتقا كٶپتەگەن ٶزگەرتۋلەر ەنگٸزٸلدٸ», - دەدٸ دەپۋتات.
وسى ورايدا ول كودەكستە ەكپەلەر مٸندەتتٸ جەنە ەرٸكتٸ بولىپ جٸكتەلگەنٸن ەسكە سالدى.
«بٸز وسىنى زاڭنامىلىق دەڭگەيدە بٶلدٸك. شىن مەنٸندە تٸزٸمدٸ ٶكٸلەتتٸ ورگان بەكٸتەدٸ. قوعامداعى رەزونانستى تىڭعىلىقتى زەرتتەدٸك. نەگٸزگٸ سەبەپتٸڭ بٸرٸ - ەكپە ساپاسىنا قاتىستى. زاڭ جوباسىندا ٶندٸرۋشٸلەرگە بايلانىستى جازالاۋدىڭ قاتاڭ شارالارىن قاراستىرىق. ەگەر ولاردىڭ كٸنەسٸ دەلەلدەنسە, تولىقتاي جاۋاپ بەرەدٸ. سونىمەن قاتار, ۆاكتسينانى تاسىمالداۋ, ساقتاۋ, سونداي-اق ەكپە جاساۋ كەزٸندەگٸ مەديتسينالىق پەرسونالدىڭ جاۋاپكەرشٸلٸگٸ ەسكەرٸلگەن», - دەدٸ ز.امانجولوۆا.
