Nur-Sultan qalasynyń qoǵamdyq densaýlyq saqtaý basqarmasynyń basshysy Timýr Muratov koronavirýsqa qarsy vaktsina egý aldynda antidenelerdiń bar-joǵyn anyqtaý qajettiligine qatysty pikir bildirdi, dep habarlaidy QazAqparat.
«Vaktsina almai turyp aǵzada antideneniń bar-joǵyn tekserý kerek pe? Qazir osyndai suraq kóp. Óndirýshilerdi bári, Dúniejúzilik densaýlyq saqtaý uiymynyń sarapshylary aýrýdan keiin alty ai ótken bolsa, antideneniń bar-joǵyn tekserýdiń qajeti joq degen usynys aitýda. Iaǵni, ekpe alǵan jón», - dedi Timýr Muratov ákimdikte ótken dóńgelek ústel barysynda.
Ol, sondai-aq, antidenelerdiń tiimdiligi týraly naqty málimetter joq ekenin eske saldy.
«Antidenelerdi anyqtaǵannan keiin qandai usynystar beriledi? Ázirge naqty sheshim joq jáne munyń bári vaktsinanyń paidaly ekenin kórsetedi. Mysaly Birikken Arab Ámirlikterinde antidenelerdi anyqtaýǵa jáne halyqty adastyrmaýǵa tyiym salynǵanyn qosymsha habarlaǵym keledi», - dep tolyqtyrdy Timýr Muratov.
Sóz sońynda qajet bolǵan jaǵdaida antidenelerdiń bolýyna taldaýdy kommertsiialyq jeliniń kez-kelgen zerthanasynda tapsyrýǵa bolatyndyǵyn da aitty.
