Uiymdasqan qylmystyq toptyń taǵy bir múshesi Serbiiadan ekstraditsiialandy, dep habarlaidy "Ult aqparat" Bas prokýratýranyń baspasóz qyzmetine silteme jasap.
"Qazaqstan Respýblikasynyń Bas prokýratýrasy elimizden tys jerlerge qashyp ketken zańbuzýshylardy ekstraditsiialaý boiynsha jumystardy jalǵastyryp jatyr.
Biyl 18 qarashada «OLIMP KZ» býkmekerlik keńseciniń qyzmetimen bailanysty qylmystyq toptyń quramynda bolǵan kúdikti Germaniiadan Qazaqstanǵa ekstraditsiialanǵan bolatyn.
Búgin Bas prokýratýra, Qarjylyq monitoring agenttigi jáne IIM-niń Interpol qyzmetkerleri Syrtqy ister ministrliginiń kómegimen onyń sybailasyn Serbiia Respýblikasynan ekstraditsiialady" - delingen habarlamada.
Olar 2014-2019 jyldary qylmystyq toptyń quramynda zańsyz qumar oiyndaryn ótkizýge, salyqty jáne biýdjetke tólenetin basqa da mindetti tólemderdi tóleýden jaltarýǵa, sondai-aq qylmystyq jolmen alynǵan aqsha men múlikti zańdastyrýǵa qatysy bar degen kúdikke ilingen.
Atalǵan zańsyz áreketterdiń saldarynan memleketke 86 milliard teńgeden astam shyǵyn keltirilgen.
Osyǵan bailanysty kúdiktilerge qatysty sotqa deiingi tergep-tekserý bastalyp, keiin olar halyqaralyq izdeýge jariialanǵan.
Bul rette, qylmystardy jasaǵany úshin múlkin tárkileýmen 3 jyldan 10 jylǵa deiingi merzimge bas bostandyǵynan aiyrý jazasy kózdelgen.
"Qazirgi ýaqytta kúdikti Astana qalasynyń tergeý izoliatoryna qamaldy.
Aita keteiik, figýrantty ekstraditsiialaý Qazaqstan men Serbiia arasyndaǵy «Ustap berý týraly» sharttyń bolýyna bailanysty múmkin boldy" - delingen habarlamada.
