Búgin, iaǵni 24 mamyr kúni senat otyrysynda depýtat Asqar BEISENBAEV Qazaqstan Respýblikasynyń Premer-Ministri B.Á. Saǵyntaevtyń atyna depýtattyq saýal joldady.
Qazaqstan Respýblikasynyń
Premer-Ministri
B.Á. SAǴYNTAEVQA
Qurmetti Baqytjan Ábdiruly!
Sizge qoiylǵan bul depýtattyq saýaldyń sebebi zańjobalaý jumysynda mańyzdy oryn alatyn keibir uiymdardyń qazirgi jaǵdaiy jónindegi alańdaýshylyǵymyz bolyp otyr.
Qazirgi ýaqytta Parlamenttiń depýtattary zań shyǵarý fýnktsiiasyn júzege asyrý barysynda «Qazaqstan Respýblikasynyń Zańnama institýty» MM-men birlesken jumys júrgizedi, sondai-aq «Respýblikalyq quqyqtyq aqparat ortalyǵy» RMK qamtamasyz etetin túrli aqparattyq-quqyqtyq júielerdiń kontentin belsendi qoldanady.
Bul uiymdar Ádilet ministrligine vedomstvolyq baǵynyshty bolyp tabylady jáne zańjobalaý jumysy tiimdiligin arttyrýǵa, Úkimet qyzmetin quqyqtyq qamtamasyz etýge, eldegi quqyqtyq saiasatty qalyptastyrý men iske asyrýdyń yqpaldy tetigin jasaýǵa baǵyttalǵan airyqsha mindetterdi oryndaidy.
Bul mindetter Zańnama institýtynyń zań jobalaryn jáne zańnamany damytýdyń ǵylymi tujyrymdamalaryn ázirleýge qatysý, ǵylymi lingvistikalyq saraptama júrgizý, normativtik quqyqtyq aktilerdi taldaý, quqyqtyq monitoringdi úilestirýge jáne ony júrgizýge qatysý, kodeksterdiń jáne ózge zańdardyń ǵylymi-tájiribelik túsiniktemelerin daiarlaýǵa qatysý siiaqty mańyzdy fýnktsiialaryn qamtidy.
Sonymen qatar quqyqtyq ǵylymnyń rólin kúsheitý maqsatynda Zańnama institýtymen quqyq jáne zańnama salasynda irgeli jáne ǵylymi-qoldanbaly zertteýler júrgiziledi,olardy jetildirý baǵyttary boiynsha usynystar ázirlenedi.
Respýblikalyq quqyqtyq aqparat ortalyǵy fýnktsiialarynyń mańyzdylyǵyn onyń normativtik quqyqtyq aktilerdiń biryńǵai memlekettik esebin, olardyń júielengen jáne tolyq qoryna jalpylai aqysyz qol jetkizý múmkindigin qamtamasyz etetin, sondai-aq kompiýterlik tehnologiialardy paidalana otyryp, memlekettik organdardyń, ózge zańdy jáne jeke tulǵalardyń quqyqtyq aqparatqa qajettilikterin qanaǵattandyratyn Qazaqstandaǵy birden-bir uiym mártebesi dáleldeidi.
Qoiylǵan maqsattarǵa jetý úshin Zańnama institýtynyń jáne Respýblikalyq quqyqtyq aqparat ortalyǵynyń qyzmetkerleri kún saiyn quqyqtyq aktilerdiń jobalaryn ázirleýden bastap, olardy resmi jariialanǵanǵa deiingi quqyqshyǵarmashylyq protsestiń barlyq satylarynda úlken jumys atqarady.
Alaida búgingi kúni osy eńbek olar tabatyn, atap aitqanda Zańnama institýtynyń qyzmetkerleri tabatyn «Azamattyq qyzmetshilerge, memlekettik biýdjet qarajaty esebinen ustalatyn uiymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júiesi týraly» QR Úkimetiniń 2015 jylǵy 31 jeltoqsandaǵy № 1193 qaýlysyna sáikes tiianaqtalǵan bolyp keletin eńbek aqysyna mólsherles emes.
Qazirgi ýaqytta joǵaryda atalǵan uiymdar kadrlardyń aýmalylyǵy men turaqsyzdyǵy, yntalandyrýdyń tómen dárejesi jáne t.b. problemalarǵa tap bolyp otyr.
Oryn alǵan jaǵdai zań jobalaý jumysynyń jáne Qazaqstanda kórsetiletin aqparattyq-quqyqtyq qyzmetterdiń sapasyna teris áser etýi múmkin.
Osyǵan bailanysty biz Zańnama institýtynyń jáne Respýblikalyq quqyqtyq aqparat ortalyǵynyń qyzmetkerleri jaǵdaiyna qatysty alańdaýshylyq bildire otyryp, olardyń zań shyǵarý salasyndaǵy jumysyn kúsheitý, konsýltatsiialyq qyzmetter naryǵyndaǵy mańyzdylyǵyn arttyrý olardy kommertsiialyq uiym nysanynda kásipkerlik qyzmetke qatysý múmkindigin berip biriktirý arqyly múmkin dep paiymdaimyz.
Bul biýdjettiń jeńildenýine járdemdesedi, atalǵan uiymdardy ustaý shyǵyndaryn azaitady, qyzmet kórsetý naryǵynda tabys kórýge, qyzmetkerlerdiń eńbek aqysyn arttyrýǵa jáne olardyń áleýmettik jaǵdaiyn jaqsartýǵa múmkindik beredi.
Halyqaralyq tájiribeni taldaý shet elderinde Zańnama institýty jáne Respýblikalyq quqyqtyq aqparat ortalyǵy siiaqty uiymdar óziniń kóptegen qyzmetterin aqyly negizde kórsetetinin baiqatady.
Joǵaryda aitylǵanǵa bailanysty zańjobalaý jumysynyń sapasyn jáne júrgiziletin quqyqtyq reformalardyń tiimdiligin arttyrý maqsatynda Sizden joǵaryda kórsetilgen uiymdardy biriktirip, kommertsiialyq uiym mártebesin berý múmkindigin qarastyrýyńyzdy ótinemiz.
«Qazaqstan Respýblikasynyń Parlamenti jáne onyń depýtattarynyń mártebesi týraly» Qazaqstan Respýblikasynyń Konstitýtsiialyq zańyna sáikes Sizden zańnamamen belgilengen merzimderde jazbasha túrde jaýap qaitarýyńyzdy suraimyn.
Qurmetpen,
A. BEISENBAEV
