Qazyǵurtta turǵynnyń altyny men aqshasyn kóz aldynda aldap alyp ketken ózbekstandyq eki áiel ustaldy, – dep habarlaidy Polisia.kz.
12 mamyr kúndizgi ýaqytta Qazyǵurt aýdandyq politsiia bóliminiń pýltine jergilikti turǵyn shaǵymdanyp, eki áielge aldanǵanyn, olar gipnoz arqyly kóz aldynda altyndaryn jymqyryp ketkenin aitqan.
Egde jastaǵy áieldiń aitýynsha, onyń úiine ózge ultty eki áiel kelgen. Olar jábirlenýshige úiińde dýa bar, sony tazalap beremiz degen jeleýmen ózderiniń tazalaý áreketterin jasap, osy aralyqta turǵynnyń altyn alqasyn, saýsaǵyndaǵy altyn saqinasy men 100 myń teńgeden asa aqshasyn qoldy etken. Olar ketken boida esin jinaǵan áiel birden politsiiaǵa habarlasyp, alaiaqtardy ustaýǵa kómektesýin suraidy.
"Tájiribeli politseiler jábirlenýshiniń aitqan belgileri boiynsha jedel iske kirisip, barlyq qajetti sharalardy jasady. Olardyń minip kelgen kóligi týraly úlken trassa boiyndaǵy patrýldik politsiia qyzmetkerlerine habarlady. Osylaisha joldardy patrýldep júrgen Túrkistan oblysynyń patrýldik politsiia batalonynyń altynshy vzvod qyzmetkerleri atalǵan kúdiktiler mingen Lada Priora kóliginiń izine tústi. Jarty saǵattai júrip, kólikti taýyp, sońynan qýyp jetip, toqtatty.
Al kólik ishindegi áielder politseilerdi kórgen bette qasha jónelgen. Politseiler birden árqaisysy ár jaqqa qashqan áielderdi túgelimen ustady. Atalǵan kúdikti eki áielden alaiaqtyq jolmen alynǵan altyndar men aqsha aiǵaqty zat retinde tárkilendi. Patrýldik politseiler kólikte bolǵan bes áieldi politsiiaǵa jetkizdi. Olardyń jeke basyn tekserý kezinde Ózbekstan Respýblikasynyń turǵyndary ekendigi anyqtaldy" delingen habarlamada.
Atalǵan jait Qazyǵurt APB-ǵa QR QK-niń 190-baby (Alaiaqtyq) boiynsha tirkeýge alynyp, sotqa deiingi tergep-tekserý amaldary júrgizilip jatyr. Qazirgi tańda politseiler olardyń Túrkistan oblysynda oryn alǵan basqa da alaiaqtyq isterine qatystylyǵyn tekserýde.
