قازىعۇرتتا تۇرعىننىڭ التىنى مەن اقشاسىن كٶز الدىندا الداپ الىپ كەتكەن ٶزبەكستاندىق ەكٸ ەيەل ۇستالدى, – دەپ حابارلايدى Polisia.kz.
12 مامىر كٷندٸزگٸ ۋاقىتتا قازىعۇرت اۋداندىق پوليتسييا بٶلٸمٸنٸڭ پۋلتٸنە جەرگٸلٸكتٸ تۇرعىن شاعىمدانىپ, ەكٸ ەيەلگە الدانعانىن, ولار گيپنوز ارقىلى كٶز الدىندا التىندارىن جىمقىرىپ كەتكەنٸن ايتقان.
ەگدە جاستاعى ەيەلدٸڭ ايتۋىنشا, ونىڭ ٷيٸنە ٶزگە ۇلتتى ەكٸ ەيەل كەلگەن. ولار جەبٸرلەنۋشٸگە ٷيٸڭدە دۋا بار, سونى تازالاپ بەرەمٸز دەگەن جەلەۋمەن ٶزدەرٸنٸڭ تازالاۋ ەرەكەتتەرٸن جاساپ, وسى ارالىقتا تۇرعىننىڭ التىن القاسىن, ساۋساعىنداعى التىن ساقيناسى مەن 100 مىڭ تەڭگەدەن اسا اقشاسىن قولدى ەتكەن. ولار كەتكەن بويدا ەسٸن جيناعان ەيەل بٸردەن پوليتسيياعا حابارلاسىپ, الاياقتاردى ۇستاۋعا كٶمەكتەسۋٸن سۇرايدى.
"تەجٸريبەلٸ پوليتسەيلەر جەبٸرلەنۋشٸنٸڭ ايتقان بەلگٸلەرٸ بويىنشا جەدەل ٸسكە كٸرٸسٸپ, بارلىق قاجەتتٸ شارالاردى جاسادى. ولاردىڭ مٸنٸپ كەلگەن كٶلٸگٸ تۋرالى ٷلكەن تراسسا بويىنداعى پاترۋلدٸك پوليتسييا قىزمەتكەرلەرٸنە حابارلادى. وسىلايشا جولداردى پاترۋلدەپ جٷرگەن تٷركٸستان وبلىسىنىڭ پاترۋلدٸك پوليتسييا باتالونىنىڭ التىنشى ۆزۆود قىزمەتكەرلەرٸ اتالعان كٷدٸكتٸلەر مٸنگەن Lada Priora كٶلٸگٸنٸڭ ٸزٸنە تٷستٸ. جارتى ساعاتتاي جٷرٸپ, كٶلٸكتٸ تاۋىپ, سوڭىنان قۋىپ جەتٸپ, توقتاتتى.
ال كٶلٸك ٸشٸندەگٸ ەيەلدەر پوليتسەيلەردٸ كٶرگەن بەتتە قاشا جٶنەلگەن. پوليتسەيلەر بٸردەن ەرقايسىسى ەر جاققا قاشقان ەيەلدەردٸ تٷگەلٸمەن ۇستادى. اتالعان كٷدٸكتٸ ەكٸ ەيەلدەن الاياقتىق جولمەن الىنعان التىندار مەن اقشا ايعاقتى زات رەتٸندە تەركٸلەندٸ. پاترۋلدٸك پوليتسەيلەر كٶلٸكتە بولعان بەس ەيەلدٸ پوليتسيياعا جەتكٸزدٸ. ولاردىڭ جەكە باسىن تەكسەرۋ كەزٸندە ٶزبەكستان رەسپۋبليكاسىنىڭ تۇرعىندارى ەكەندٸگٸ انىقتالدى" دەلٸنگەن حابارلامادا.
اتالعان جايت قازىعۇرت اپب-عا قر قك-نٸڭ 190-بابى (الاياقتىق) بويىنشا تٸركەۋگە الىنىپ, سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتىر. قازٸرگٸ تاڭدا پوليتسەيلەر ولاردىڭ تٷركٸستان وبلىسىندا ورىن العان باسقا دا الاياقتىق ٸستەرٸنە قاتىستىلىعىن تەكسەرۋدە.
