Foto: ashyq derekkóz
Soltústik Qazaqstan oblysynyń Olshanka aýylynda órt kezinde qaza bolǵan bes jasar qyzdyń anasynyń ústinen qylmystyq is qozǵaldy, dep habarlaidy Ult.kz.
"Soltústik Qazaqstan oblysynda anasy balasyn úide qaldyryp ketken, sodan keiin órt shyqty. Biz balany qaýipti jaǵdaida qaldyrý faktisi boiynsha qylmystyq is qozǵadyq. Aýyl turǵyny qamaýǵa alyndy, qylmystyq jaýapkershilik kózdelgen", – dedi Ishki ister ministriniń orynbasary Sanjar Ádilov.
Olshanka aýylynda 18 qańtar kúni keshke jeke turǵyn úide órt shyǵyp, saldarynan bes jasar bala kóz jumdy. Órt kezinde qyz úide jalǵyz bolǵan.
Qyzyljar aýdany ákimdiginiń málimetinshe, otbasy áleýmettik turǵydan qolaisyz retinde esepte turmaǵan. Qazirgi aqparat boiynsha, qyzdyń anasy 32 jasta, al onyń azamattyq nekedegi kúieýi 30 jasta.
Eske salaiyq, buǵan deiin 18 qańtar kúni Soltústik Qazaqstan oblysy Qyzyljar aýdanyna qarasty Olshanka aýylyndaǵy úiden órt shyǵyp, saldarynan úide anasy qamap ketken 5 jasar qyz kóz jumǵany týraly jazǵan edik.
