© Photo: Pixabay / Dean Moriarty
Astanada ótken baspasóz máslihatynda uialy bailanys operatorlary tarif taǵy kóterile me degen suraqqa jaýap berdi, dep habarlaidy Sputnik Qazaqstan.
Jaqynda Qazaqstandaǵy úsh operator da tamyzdan bastap tariftiń ósetinin málimdedi. Búgin ortalyq kommýnikatsiialar qyzmetinde ótken brifingte jýrnalister "Jyldyń sońyna deiin tarif taǵy kóterile me?", - dep surady.
Beeline Qazaqstannyń bas atqarýshy direktory Evgenii Nastradinniń aitýynsha, ondai jospar joq.
"Shynymdy aitsam, esimde joq, bizdiń josparymyzda ondai ózgeris bolmaǵan siiaqty. Kóterilmeitin shyǵar", - dedi Nastradin.
"Mobail Telekom-Servis (Tele2/Altel)" JShS bas direktory Sergei Konkovtyń aitýynsha, tarifter barlyq abonettik bazaǵa birden kóterilmeidi.
"Bazadaǵy tarifterge qarai baǵa da ózgerip turady. Dál qazir qai tariftiń "monetizatsiiadan" ótkenin aita almaimyn. Sondyqtan bazanyń bir bóligi boiynsha baǵa kóteriletin shyǵar", - dep atap ótti Konkov.
Al "Ksell" AQ basqarma tóraǵasy Ashat Ózbekov: "Dál qazir osy suraqqa naqty jaýap berýge daiyn emespin", - dep qysqa ǵana qaiyrdy.
