Turǵyn úi jaldaý sýbsidiiasyn alýǵa ótinish berýshilerdiń nesie tarihy tekserilmeidi. Bul týarly «Habar» telearnasyndaǵy «Búgin» baǵdarlamasynda belgili boldy, dep habarlaidy QazAqparat.
Baǵdarlama barysynda turǵyn úi sýbsidiiasyn alýǵa ótinish bergenderdiń tólem qabileti qalai tekseriletini aityldy.
«Ótinish berýshilerge tólem qabiletin rastaý kerek. «Baspana market» portalyna ótinim bergennen keiin tólem qabiletin bank avtomatty túrde esepteidi. Iaǵni, derekkqorlardan búkil aqparat alynady. Onyń ishinde sizdiń ailyǵyńyz, barlyq tólemderińiz, eńbek demalysynyń ótemaqysy bolsa, sonyń bári kiredi. Kásipker retinde tirkelgen bolsańyz, kásipkerlik tabysyńyz kiredi. Sol otbasy alatyn zeinetaqy men áleýmettik tólemder de tólem qabileti retinde esepke alynady. Osy tabystyń bárin jan basyna shaǵyp, 6 aidyń ishindegi tabysyn esepteidi», - dedi «Otbasy bank» aktsionerlik qoǵamy ortalyq filialynyń direktory Jansultan Matai.
Baǵdarlama barysynda «Turǵyn úi jaldaý sýbsidiiasyn alǵysy keletin otbasynyń nesie tarihy jaǵymsyz bolsa, ne isteý kerek?» degen saýal qoiyldy.
«Nesie tarihy qaralmaidy», - dep qysqa qaiyrdy Jansultan Matai.
