Ýtilizatsiialyq alymnyń jańa tarifi kelesi aptada bekitiledi. Bul týraly ekologiia, geologiia jáne tabiǵi resýrstar ministri Serikqali Brekeshev málimdedi, dep habarlaidy Sputnik Qazaqstan.
"Kelesi aptada buiryqty bekitemiz. Sodan bastap tarifter 50 protsentke tómendeidi", - dedi Brekeshev.
Aita keteri, Qazaqstanda avtokóliktiń barlyq túri jáne aýyl sharýashylyǵy tehnikasy boiynsha ýtilizatsiialyq alym mólsherin eki ese qysqartýǵa sheshim qabyldanǵan bolatyn.
Jeńil kólikterge arnalǵan ýtilizatsiialyq alym (qozǵaltqyshtyń kólemine qarai): 1 myń sm³-ge deiin – 229 725 teńge (buǵan deiin 459 450 teńge bolǵan); 1 001-den 2 000 sm³-ge deiin – 536 025 teńge (buǵan deiin 1 072 050 teńge bolǵan); 2 001-den 3 000 sm³-ge deiin – 765 750 teńge (buǵan deiin 1 531 500 teńge bolǵan); 3 001 sm³-den joǵary – 1 761 225 teńge (buǵan deiin 3 522 450 teńge bolǵan).
Al elektr qozǵaltqysh ornatylǵan kólikterge (gibridtik kólikterden basqa) ýtilizatsiialyq alym salynbaidy.
