Úkimet kádege jaratý alymy esebinen qurylǵan aktivterdi memleket menshigine alyp, "ÓKM Operatoryna" qatysty qaýly qabyldady, - dep habarlaidy "Ult aqparat" primeminister.kz saityna silteme jasap.
"Memleket basshysy Qasym-Jomart Kemeluly Toqaevtyń tapsyrmasyn oryndaý aiasynda 2022 jylǵy 18 qańtarda Qazaqstan Respýblikasynyń Úkimeti "Qazaqstan Respýblikasynyń Ekologiia, geologiia jáne tabiǵi resýrstar ministrliginiń vedomstvolyq baǵynysty uiymdarynyń keibir máseleleri týraly" qaýly qabyldady. Qujatqa sáikes "Jasyl damý" AQ memlekettik uiymy óndirýshilerdiń (importtaýshylardyń) keńeitilgen mindettemeleriniń operatory bolyp aiqyndaldy", - delingen habarlamada.
Úkimet málimetinshe, "ÓKM Operatory" JShS-niń ýtilizatsiialyq tólemdi ákimshilendirý jáne tiisti qarajattardy basqarý sheńberindegi qyzmeti toqtatyldy.
"Ýtilizatsiialyq alym qarajaty esebinen qurylǵan aktivter memleket menshigine berildi. Óndirýshilerdiń keńeitilgen mindettemelerin ákimshilendirý fýnktsiialaryn memlekettik uiym - "Jasyl damý" AQ oryndaidy", - delingen habarlamada.
2021 jyldyń sońynda ýtilizatsiialyq alym stavkasy men kólik baǵasyna narazy bolǵan qazaqstandyqtar ýtilizatsiialyq alymdy alyp tastaý talabymen petitsiiany iske qosty.
Al jýyrda Prezident Qasym-Jomart Toqaev Úkimetke ýtilizatsiialyq alym stavkasyn qaita qaraýdy jáne "Operator "ROP-tyń" qyzmetin toqtatýdy tapsyrdy. Prezidenttiń pikirinshe, bul jumyspen shet memleketterdegidei memlekettik uiym ainalysýy qajet.
