QR Indýstriia jáne infraqurylymdyq damý ministri ýtilizatsiia alymynyń ózgerýi kólik baǵasyn arzandatpaitynyn aitty, dep habarlaidy QazAqparat.
«Ýtil alymdaryn alyp tastasa, kólik baǵasy tómendei me degen suraq jii qoiylyp júr. Statistikaǵa júgineiikshi, ózimizden shyqqan kólikterge bir tiyn da ýtilizatsiialyq alym tólenbeidi. Byltyr 105 043 jeńil kólik satylsa, onyń 64 paiyzy ózimizdiń ónim bolǵandyqtan, ýtilizatsiialyq alym tólengen joq. Traktordyń 89 paiyzy, kombaindardyń 88 paiyzy, avtobýstardyń 74 paiyzy ózimizde shyqqan. Sol sebepti ózimizden shyǵatyn ónimderdiń baǵasyna ýtilizatsiialyq alymnyń eshqandai áseri bolmaidy. Iaǵni, baǵa sol kúiinde qalady», - dedi ol Úkimet otyrysynan keiin ótken brifingide.
Sondai-aq, ol ýtilalym saiasatynyń ózgerýi shetelde óndirilgen kóliktiń baǵasyna nege áser etpeitinin túsindirdi.
«Shetelden keletin kólikterdiń baǵasyn da erteńinde túsiredi dep aitýǵa esh negiz kórip otyrǵan joqpyn. Mysaly, jol talǵamaityn qymbat kólik ákelse, óz qaltasyna salatyn quny ósedi de, halyq úshin arzandamaidy dep oilap otyrmyn», - dedi ministr.
