Búgin QR Premer-Ministriniń birinshi orynbasary Roman Skliar avtokólik jáne aýyl sharýashylyǵy tehnikasyna kádege jaratý alymy 50 paiyzǵa deiin tómendetiletini týraly málim etti. Ol sonymen qatar, ol sonymen qatar, «ÓKM Operatorynda» jinalǵan qarajatqa qatysty 220 mlrd teńge bizdiń azamattarymyzdyń igiligine jumsalýy kerek ekenin aitty. Osyǵan orai «KAN TRADING» JShS jetekshisi Arman Qaliev pikir bildirdi, dep habarlaidy Skifnews.kz aqparattyq portaly.
«Búgin ýtilalymy boiynsha jańa mólsherleme kólemi aityldy. Bul sheshimge Úkimet túsinistikpen qarap otyr. Qazir de, buǵan deiin de ýtilalym eń aldymen, eski jáne tehnikalyq reglamentke sáikes kelmeitin, zańsyz tasymaldanǵan avtokólikterdiń aǵynyn tejeýge baǵyttalǵan. Resei Federatsiiasy tájiribesinde elektrondy qujat júiesi engizilgen, biz de qazir osy baǵytta jumys istep jatyrmyz. Jýyrda ǵana Prezident Qasym-Jomart Toqaev osy máseleni kóterip, Úkimetke tiisti usynys qabyldaýdy tapsyrǵan edi. Búgin kórip otyrǵanymyzdai, másele halyqtyń igiline orai oń sheshimin tapqandai. Árine, avtosalondar úshin birshama salmaq bolýy múmkin. Degenmen, ekonomikaǵa, otandyq naryqqa tiimdiligi joǵary bolmaq. Jalpy aitqanda, bul sharalar bizdiń avtonaryqty eski avtokóliktermen toltyrmaýǵa septesedi», - dedi ol.
Esterińizge sala ketsek, Memleket basshysy Qasym-Jomart Toqaev taiaýda Úkimettiń keńeitilgen otyrysynda ýtilalym tóńiregindegi daýǵa qatysty tapsyrma bergen bolatyn.
«Qazaqstanda halyqaralyq júk tasymalyna 7,5 myń tirkemeli kólikter jumys isteidi. Reseidiń halyqaralyq tasymalynda 34 myń, Belaýr elinde 15 myń, Ózbekstanda 8 myń kólik qatysýda. Otandyq kásiporyndar naryqta ornyn joǵaltýda. Kórshilerimizden utylyp jatyrmyz degen sóz. 2017 jyldan beri otandyq tasymaldaýshylardyń halyqaralyq tasymal naryǵyndaǵy úlesi 1,5 eseden astam qysqarǵan. Sondyqtan, Úkimetke bul saladaǵy saiasatty jetildirý, onyń ishinde ýtilalym boiynsha usynys daiyndaý kerek», - degen edi Qasym-Jomart Toqaev.
